Karrozak eta Bellota: zergatik ez da luzatuko alokairuaren kontratua eta zein bide egin da orain arte?
2025/03/25 | Kultura, Festak eta Gazteria
Martxoaren amaieran Bellota pabiloiaren alokairurako kontratuaren indarraldia amaituko da, eta udalak ez du berrituko. Karrozak bertatik ateratzeko lanak amaitu berritan, gardentasun ariketa bat egin eta datuak azaltzearekin batera, erabakiaren arrazoiak azaldu ditu udal gobernuak, baita orain arte Karrozen Elkartearekin jorratutako bidea ere. Argitu du Inauterietan egiten duten ekarpena garrantzitsua dela, eta laguntza ematen jarraitzeko asmo osoa duela, baina norbere ardurak hartzea ezinbestekoa dela.