Tolosako Udalak LGTBIQ pertsonen eskubideekin duen konpromisoa berretsi du

• Gay, Lesbiana, Transexual, Bisexual, Intersexual eta Queer-en eskubideen Naziaorteko Egunaren inguruko mozioa aho batez onartu zen.

• Era berean, Haurren Hiria egitasmoaren baitan ikasturtean zehar egindako lanketaren berri eman zuten Tolosako ikastetxe ezberdinetako ikasleek.

Ekaineko Osoko Bilkura egin zuen atzo Tolosako Udalbatzak. Tolosako hiru ikastetxeetako ikasleek parte hartu zuten atzoko bilkuran udalbatzari Haurren Hiria egitasmoaren baitan aurten egindako lanketaren berri emateko.

Haurren Hiria Tolosan bizi diren 8-12 urte bitarteko haurren iritzia ezagutzeko egitasmoa da. Helburua da, haurren ikuspegitik herria nola bizi duten jakitea. Aurten emozio eta sentimenduak landu dira ikasleekin, egungo egoerak haurrengan izan duen eragina, izan dituzten bizipenak, sentimenduak eta kezkak ezagutzeko.

Tolosatzen prozesuaren baitan sortutako keinu txikien aliantza ere landu da eta gaztetxoenen ekarpen eta proposamenak txertatuko dira orain aliantzan, besteak beste: familiarekin egotea, kirola egitea, irakurtzea, familiarekin mahai jolasetan aritzea... bezalako keinu txikiak proposatu dituzte.

Atzoko Osoko Bikuran 2021 urteko lanpostuen zerrenda behin betikoz onartu eta hasierako izaeraz aldatzea onartu zen eta Ekainaren 28aren harirako mozioa jorratu zen, Gay, Lesbiana, Transexual, Bisexual, Intersexual eta Queer-en eskubdieen Nazioarteo Eguna dela-eta.

Tolosako Udalak LGTBIQ pertsonen eskubideekin duen konpromisoa berretsi zuen eta hainbat konpromiso zehatz hartu zituen (Ekainaren 28a, Gay, Lesbiana, Transexual, Bisexual, Intersexual eta Queer-en eskubideen Nazioarteko Eguna, Mozioa).