Ainhoa Aizpuru foru diputatuarekin batzartu da Olatz Peon Ormazabal alkatea

Gipuzkoako Foru Aldundian gauzatu zuten joan den astean bilera. Olatz Peon Ormazabal alkateak Tolosako Udalak jada abian duen plangintza ekonomikoaren berri eman zion Ainhoa Aizpuru, Ekonomia Sustapena, Landa Ingurunea eta Lurralde orekako diputatuari.

Hizketaldian, Tolosako enpresen jarduera ekonomikoa eta lehiakortasuna sustatzeko helburuz Udalak eskuartean dituen programa eta ekimenak aurkeztu zizkion alkateak diputatuari, eta Aldundia garatzen ari den lan-lerroen osagarritasunaz jardun zuten.

Peonek adierazi du “oinarrizkoa” dela udal administraziotik haratago dauden erakundeekiko harremanak sustatzea Tolosarentzako estrategikoak diren alorretan akordioak eta aurrerapausuak lortzeko.