Gizarte Zerbitzuak, astelehenetik aurrera ohiko kokalekuan

Hitzordua
Informazio gehiago

Tolosako Udala
2025/01/24 | Gizarte Zerbitzuak eta Osasuna

  • Aurreikusi baino egun bat lehenago amaitu dira lekualdaketa egiteko lanak, hortaz, astelehenetik aurrera zerbitzua normaltasunez emango da.

  • Ohiko ordutegia honakoa da: astelehenetik ostiralera, 10:00etatik 13:00etara, ostegunetan izan ezik.


Gizarte Zerbitzuak astelehenean hasiko dira ohiko bulegoetan zerbitzua ematen. Uztailaren amaieran, udaletxeko eraikina utzi eta Aranburu Jauregira lekualdatu ziren, ohiko espazioa berregokitzeko. Obrak amaituta, azken egunotan berriro ere lekualdaketa egin da. Aurreikusi baino lehen amaitu da lana, eta astelehenean itzuliko dira ohiko jardunera, udaletxean.

Espazioa berrantolatu da, herritarrentzat eta langileentzat espazio atseginagoak eskaintzeko asmoz: itxarongela berreskuratu da, bulegoen tamainak egokitu dira eta bilera gela sortu da. Komunak ere berritu dira, irisgarritasuna bermatzeko neurriekin.

Gizarte Zerbitzuen jendaurreko ordutegia ohikoa izango da: hau da, astelehenetik ostiralera, 10:00-13:00 bitartean, ostegunetan izan ezik, egun horretan ez baita arretarik ematen.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.