Tolosaren etorkizuneko hirigintza-garapenak jarraitu behar dituen irizpideak eta jarraibideak eta, zehazki, etorkizunerako hirigintza-antolamendua zehazteko oinarriak.
Zerbitzuen karta deritzon dokumentuaren bidez, Udalak azaltzen dizkie herritarrei berez dagozkion zerbitzuak, herritar hauek zerbitzuak jasotzerakoan dituzten eskubideak eta zerbitzuak eskaintzerakoan hartzen dituen kalitate konpromezuak.
Udal departamentu honen ardura da, besteak beste, berdintasunarekiko Tolosako Udalaren konpromisoa sendotzea, herritarren jabetza eta partaidetza sustatzea, bereziki emakumeena, gaiarekiko sentsibilizazioa areagotzea, indarkeria sexista identifikatzeko, prebenitzeko eta desagerrarazteko lan egitea.
Enplegua suspertzeaz, merkataritza indartzeaz, feriak antolatzeaz, turismoari bultzada emateaz eta informazioa zabaltzeaz arduratzen dira departamentuok.
Udaletxeko langileen kudeaketa, lanpostu deialdiak eta kontratazioak burutzea,etab. Informatika gaiak, beti ere, Udaletxe barneko funtzionameduari zuzenduta.
Gizarte Zerbitzuak prestazio eta zerbitzu multzo bat dira eta erantzuten diete pertsonek dituzten behar eta eskeei honako gai hauetan: norbera modu autonomoan moldatzeko edota familian, komunitatean eta, oro har, gizartean integratzeko.
Departamentu honen ardura da administrazio egintzaren fede eta berme juridikoa ematea; horrekin batera, izapide edo tramiteak herritarrei erraztea eta beraien inguruko informazioa ematea.
Departamentuaren egitekoak dira, ingurumenaren arloko udal programak, ekimenak eta jardunak planifikatzea, diseinatzea eta egitea, Udalak egin beharreko obren exekuzioa, hainbat zerbitzuren kudeaketa (kaleko argiak, hondakinen bilketa, kale garbiketa, etab).
Departamentuaren egitekoak dira, kultura, gazteria eta jaien arloko udal programak, ekimenak eta jardunak planifikatzea, diseinatzea eta egitea; kultura sustatzea; kultur azpiegiturak kudeatzea; herriko kultura, gazteria eta jaietako eragaileen jarduerak sustatzea.
Ogasun departamentuari dagokio udalaren baliabide ekonomikoak kudeatzea, diru sarrerak eta gastuak, kobrantzak eta ordainketak, udal aurrekontuaren kudeaketa, etab.
Tolosako Udalak Alondegiko lurzoruaren zati bat Gipuzkoako Foru Aldundiari laga dio adineko pertsonei egoitza-harrerako plaza gehiago sortzeko
Tolosako UdalaTolosako Udala
2019/05/15 | Gizarte Zerbitzuak eta Osasuna
Tolosako Udalak pasa den maiatzaren 15ean ohiko Osoko Bilkura egin zuen eta 7 puntuko gai zerrenda jorratu zuten bertan.
Hizpide izan zuen Udalbatzak gizarte zerbitzuen, osasunaren eta nazioarteko lankidetzaren alorreko dirulaguntzak arautzen dituen ordenantza aldaketaren hasierako onarpena, udal langileen ordainsarien igoera, eta Alondegian dagoen lurzoru zati baten erabilera Gipuzkoako Foru Aldundiari lagatzea, adineko pertsonei egoitza-harrerako zerbitzu zabalagoa eskaintzeko.
Tolosako Udalak pasa den maiatzaren 15ean maiatzeko ohiko Osoko Bilkura ospatu zuen eta 7 puntuko gai zerrenda jorratu zuten bertan. Hizpide izan zuen Udalbatzak gizarte zerbitzuen, osasunaren eta nazioarteko lankidetzaren alorreko dirulaguntzak arautzen dituen ordenantza aldaketaren hasierako onarpena, udal langileen zein erabateko dedikazioarekin edo dedikazio partzialarekin aritzen diren Korporazioko kideen ordainsarien igoera, eta Tolosako Hiri Ordenazioko Plan Orokorreko 12.1 Azpiesparruan —Alondegia— dagoen lurzoru zati baten erabilera eta luperketa Gipuzkoako Foru Aldundiari lagatzea, adineko pertsonei egoitza-harrerako zerbitzu zabalagoa eskaintzeko.
Azken honen kasuan, Tolosako Udalak Gipuzkoako Foru Aldundiaren esku utzi du Alondegiko eremuaren zati bat, Uzturre Asistentzia Gunearen bitartez, bertan mendekotasun egoeran dauden adineko pertsonei ematen zaien zerbitzua zabaltzeko, egoitza-harrerako plaza gehiago sortuz. Handitze lanak egingo dira Uzturre egoitzan, eta 120 plaza eskainiko dira bertan, behin lanak bukatuta: 116 banakako logela eta bi lagunentzako 2 logela. Eraikina zabalduko da egun bertan eskaintzen dituzten zerbitzuak berrantolatu eta arreta eta kudeaketa egokia egiteko. Zati berrian egun 5. solairuan kokatuta dauden psikogeriatriako plazak egongo dira, eta egoitza-harrerako plaza guztiak, berriak barne, elkarrekin. Gehiengo zabalarekin onartu zen proposamena.
Olatz Peon Ormazabal alkateak nabarmendu du “adinekoen egoitza-harrerako beharrak asetzeko baliabideen sorrera herritarren interesekoa da eta arreta-eskubidea Tolosan bertan jasotzea bermatzen da horrela”.
Hizpide izan zen ere gizarte zerbitzuen, osasunaren eta nazioarteko lankidetzaren alorreko dirulaguntzak arautzen dituen ordenantzaren aldaketa. Ahobatez onartu zuen Udalbatzak tramitea. Alkateak azaldu zuenez, hainbat hutsune antzeman dituzte azken bi deialdietan eta balorazio irizpideak berrikusi eta justifikazio prozedura eguneratu da. Alde batetik, diru-laguntzak emateko ordenantza bakarra da oraingoa, aurreko bien aldean, eta ordenantza horren baitako laguntza konkretuak zehaztu dira. Bestetik, laguntza lerroa ordenantzearekin batera, justifikazio prozedura sinplifikatu eta erraztu egin da. Jasotzen ditu honako lan-ildoak:
Tolosan eraldaketa sozialerako heziketa eta sentsibilizazio proiektuak eta ekintzak gauzatzeko diru-laguntzak elkarteei.
Gizarte zerbitzuen eta osasunaren alorreko jarduerak egiteko diru-laguntzak elkarteei.
Gizarte zerbitzuen eta osasunaren arloko elkarteen mantenurako diru-laguntzak.
Hegoaldeko herrialde txiroetan garapen proiektuak egiteko diru-laguntzak elkarteei.
Nazioarteko lankidetzan boluntarioki dihardutenentzat diru-laguntzak.
Larrialdi egoeretan ekintza humanitario eta puntualetarako proiektuak egiteko diru-laguntzak.
Udal langileen zein erabateko dedikazioarekin edo dedikazio partzialarekin aritzen diren Korporazioko kideen ordainsarien igoera onartu zen ere. Estatuan legeak ezarritakoari jarraiki, Tolosako sektore publikoan diharduten langileen ordainsariak %2,25 igoko dira 2019an, urtarrilaren 1etik kontatzen hasita. Barne hartzen ditu Tolosako Udala, Iurramendi Egoitza, eta Tolargi eta Tolosa Lantzen udal sozietateak. 2019ko uztailaren 1etik aurrera beste %0,25-eko igoera aplikatu ahal izango da, 2018ko Estatuko Barne Produktu Gordina %2,5eko portzentaian badago.
Ahobatez onartu ziren ere Tolosa Lantzen SA Sozietateko 2018ko ekitaldiari dagozkion urteko kontuak.
