Erosi tokiko saltoki eta establezimenduetan kontsumitzeko bonuak eta lagundu Tolosa biziberritzen

• 147 saltoki eta establezimendu batu dira ekimenera: argazki eta arropa dendak, bitxitegiak, dentistak, fisioterapeutak, ileapaindegiak, jostailu dendak, kirol arloko saltokiak, mertzeriak, lore dendak optikak eta liburu dendak, besteak beste.

• suspertutolosa.eus webgunean eskuratu ahal izango dira bonuak, bihar, 20:00etatik aurrera, maiatzaren 29ra edo agortu bitartera arte. Guztira 7118 bono jarriko dira salgai.

• Erosteko zailtasunak izanez gero edota Internet bidez horiek eskuratzeko aukerarik ez baduzu, jarri merkataritza sailarekin harremanetan 943 69 75 21 telefonora deituta edota merkataritza@tolosa.eus posta elektronikora idatzita.

 

Herriko eragile ekonomikoekin bildu eta egoeraren diagnosia egin ostean, krisiari aurre egiteko plana garatzeari ekin dio udalak eta dagoeneko, Suspertu Tolosa kanpaina abiatu da herriko bizitza sozioekonomiko eta kulturala biziberritu, eta krisiak gehien kolpatu dituen sektoreak babesteko asmoz.

Nerea Letamendiak, Merkataritza, Azokak eta Turismoa saileko zinegotzi arduradunak azaldu duenez, merkataritza eta zerbitzuen sektorea da Suspertu Tolosa proiektuaren lehen lan-ildoa, ateak itxi behar izan dituzten tokiko establezimenduei bultzada emateko. Horretarako, eta Tolosa&Co elkartearekin lankidetzan, tokiko establezimenduetan kontsumitzeko erosketa-bonuak jarri dira herritarren eskura. Bonuak aurrez erosi beharko dira, gaurtik aurrera eta maiatzaren 29ra bitartean, eta udalak bono bakoitzari diru gehiago gehituko dio. Orotara 80.000€ bideratu ditu udalak ekimen honetara, nahiz eta egitasmoaren inpaktu ekonomiko erreala 240.000€-rainokoa izango den.

 

147 saltoki eta establezimenduk eman dute izena:

Anitzak dira izena eman duten saltoki eta establezimenduak, guztira 147: argazki eta arropa dendak, bitxitegiak, dentistak, fisioterapeutak, ileapaindegiak, jostailu dendak, kirol arloko saltokiak, mertzeriak, lore dendak optikak eta liburu dendak, besteak beste.

 

Bonuak non eta nola erosi:

Bihar, 20:00etatik aurrera jarriko dira salgai bonuak www.suspertutolosa.eus webgunean. Guztira 7118 bono jarriko dira salgai. Erregistratzea ezinbestekoa izango da. Gainera, bonuak zein saltokitan gastatuko diren zehaztu beharko da hasieratik eta ezingo da aldatu. Pertsona bakoitzak bonu bakarra erosi ahal izango du saltoki bakoitzeko, eta, gehienez ere, lau bono erosi ahal izango dira pertsonako. Erosketa prozesu bakoitzeko bonu bana eskuratu ahal izango da. Bonua erostean NAN zenbakia eman beharko da, eta komertzioetan bonuak erabiltzean ere NANa erakustea derrigorrezkoa izango da.

10, 20 eta 30 euroko bonuak erosi ahal izango dira eta horiei udalak, 5, 10, eta 15 euro gehituko dizkie, hurrenez-hurren, beraz tolosarrek, 15, 30 eta 45 euro izango dituzte gastatzeko bonu bakoitzeko.

Hortaz, helburu bikoitza du egitasmoak, batetik tokiko kontsumoa sustatzea eta bestetik, herritarrak eta familiak babestu eta laguntzea. Saltokiak bultzatu ez ezik, herritarrak ere izango baitira beste onuradunak, udalak bonu bakoitzari gehituko dion diruari esker, gastatzeko kopuru handiagoa izango baitute.

Internet bidez bonuak erosteko zailtasunik izanez gero, edota horiek erosteko laguntza behar badute herritarrek, merkataritza sailark laguntza eskainiko du 943 69 75 21 telefonora deituta edota merkataritza@tolosa.eus posta elektronikora idatzita.

Bonuak erosi ondoren, posta elektronikoz jasoko dira eta horiek inprimatu egin beharko dira dendetan erabili ahal izateko. Erosketa egin den unetik 24 ordu pasatakoan aktibatuko da bonu bakoitza, eta une horretatik aurrera izango da erabilgarri, 2020ko abenduaren 31ra bitarte.

Bonuen inguruko informazio gehiago jasotzeko jo suspertutolosa.eus webguneko ohiko galderen atalera: https://www.suspertutolosa.eus/faqs/

 

Babestu Tolosak duen izaera komertziala, lagundu Tolosa suspertzen:

Kanpainak herritarrak bidelagun izan behar dituela nabarmendu du Nerea Letamendiak, “kanpaina honek ez du zentzurik, herritarren inplikazio, konpromiso eta elkartasuna lortzen ez badugu, izaera soziala du ekimenak, elkarrekin eta indarrak batuta lan egin behar dugulako Tolosa biziberritzeko eta gure tokiko saltoki eta establezimenduak babesteko”.

Hala gehitu du: “Orain inoiz baino gehiago jarri behar ditugu balioan eta babestu behar ditugu gure herriak berezkoak dituen ezaugarriak, gure merkataritza, ostalaritza, zerbitzuen sektorea, azokak, kultura.... horregatik, merkataritzaz gain, Suspertu Tolosa proiektuaren barruan sektore gehiagori begirako laguntza-lerroak jarriko dira martxan datozen asteotan”.

Amaitzeko Letamendiak berretsi du, elkarlanetik jaiotako kanpaina dela eta herritarren parte hartzea ezinbestekoa izango dela, guztion artean, Tolosa berriz ere martxan jartzeko.

 

Ekimenera batu diren saltoki eta zerbitzuen zerrenda:

 

_ELIKADURA

• Carnicería Alejandro Goya

• Mujika

• Bizziz

• Larrea

•  

_KONPONKETAK

• Maritxu arropa konponketak

 

 

_EDERTASUNA-OSASUNA

• Bio Aroma

• Kirei

• Marcos Masajista

• Nagore ileapaindegi osasungarria

• Naiira estetika zentroa

• Shuyana azalean

• Eider Bio estetika

• Honekin estilistak

• Lirain lurrindegia

• Maite estetikia & Ongizatea

• No+Vello

• Onditz estetika zentroa

 

_DEKORAZIOA-ALTZARIAK

• Aralart decoración

• Arteka

• Eder Home

• Enmarcaciones Tuduri

• Ondoloin

• Tapicerías Aparicio

• Muñazabal altzariak

• Oyarzabal decoración

• Elola altzariak

• Mikel altzariak

 

_OSAGAIAK

• Le Petit Caprice

• Bolsos Zunzu

• Lardies

• Zurutuza osagaiak

 

_DENTISTA-ODONTOLOGOAK

• Ana Sainz Malkorra hortz klinika

• Dentieder

 

_KIROLA

• Arsuaga bizikletak

• Begiristain txirrinduak

• Oreka pilates

• Shanti kirolak

 

_LOTERIAK

• Administración de loterías Nº1 de Tolosa “Babarrun Magikoa”

 

_FISIOTERAPIA-OSTEOPATIA

• Berazubi fisioterapia zentroa

• Era Fisioterapia eta kirola

• Kimua fisioterapia & osteopatia

 

_LORE DENDAK

• Kaiz lore tailerra

• Arregi floristas

 

_BITXITEGIAK

• Elena San Martin

• Ugarte bitxitegi tailerra

• Xarma

• Joyería Imen

• Joyería-relojería Cid

• Kiara plata

• Relojería Iratzar

 

_JOSTAILUAK

• Amets

• Amiano

• Minimaliak

 

_LENTZERIA-MERTZERIAK

• Lardies

• Ortzadar

• Ross

• Arretxe

• Karmele

• Mugar

• Pirelli

• Vasconia

 

_GIZONEZKOEN MODA

• Aranguren

• Kimetz

 

_GIZON-EMAKUMEEN MODA

• Bakartxo Arbizu

• Garazi

• Imagen

• Minüte

• Tantai

• Mujika

• Colors

• Corner

• Leder

• Nzb

• Peage

• Yoli

 

_EMAMUKEEN MODA

• F&J

• Neuda

• Niko

• Roncal

• Roncal outlet

• Amelie Boutique

• Anddare

• Anitz

• Aranguren

• Arkupe

• Avalon

• Báb

• Berezi

• Mg

• Brunila

• Imanna

• Jantzi zure arima

• La ratita presumida

• Lara

• Marilyn

• Mauka

• Serendi

• Serendipity

• Skfk

• The Factory

• Ubel

• Zuzeu

 

_HAURREN MODA

• Algara

• Einde

• Esnal

• Kanikak

• Oski

• Pottoko

 

_OPTIKAK

• Argizti

• Multiópticas

• Opticalia Bronte

 

_BESTELAKOAK

• Aguro

• Key Lan sarrail denda

• Electricidad Zumeta

• Gko Gallery

• Goena

• Milar Electro Hogar

• Permumarte

 

_PAPERA-LIBURUAK-KOPIAK

• Elkar Tolosa

• Kopibat

 

_ILEAPAINDEGIAK

• Area dos mil

• Cluny

• Joseba

• Koxka

• Kyoko

• Mikel Izagirre

• Elena

• Maburu

• Temphe

 

_PODOLOGOAK

• Ioana Arbillada

• Pausoka

 

_ARGAZKI DENDAK

• Arri Studioa

• Iñaki Elola Photo Video Studio

• Richard argazkilariak

 

_OINETAKOAK

• Arana

• Gabirondo

• Lizarribar

• Oiarbide

• Ponpox

• Rainbow