Igandean Getarian jokatuko diren estropadak ikustera ez joateko eskatzen da

• Egungo egoera kontuan hartuta, sortu daitezkeen jende pilaketak ekidin eta koronabirusaren hedapena gelditzeko Getariako Udalak egin duen eskariarekin bat egin du Tolosako Udalak.

Igande honetan, uztailak 19, jokatuko da Getarian I. Ékolo Bandera estropada, eta bertan parte hartuko du Tolosaldeako traineruak. Bai Getarian eta bai Tolosan agertu diren koronabirus kasu berrien aurrean, ordea, arduraz eta zentzuz jokatzeko eskatu du Getariako Udalak, eta arraun zaleei eskatu die ez daitezela Getariara gerturatu, estropada unean sor daitezkeen jende pilaketak ekidin eta koronabirusaren hedapena gelditzeko. Tolosako Udalak bat egin du eskariarekin, eta herritarrei arduraz eta zentzuz jokatzeko eskatu die, igandean Getariara ez joateko eskariarekin batera.