294 izen-emate eskaera, Tolosako udaleku irekietarako

• Baldintzak betetzen dituzten haur guztiak onartu dira behin-behinean.

• Behin-betiko izen-ematea egin beharko dute, dagokion dokumentazioa aurkeztuta, apirilaren 28tik maiatzaren 8ra bitarte.
   

Arrakastaz itxi da Tolosako Udalaren lehen udaleku irekietarako aurretiko izen-ematea: 300 pertsona baino gehiagok egin dute izen-emate eskaera. Guztiak aztertu eta egiaztatuta, 294k betetzen dituzte ezarritako baldintzak eta horiek guztiek eskuratu dute plaza, behin-behinean.

Onartutakoen eta baztertutakoen zerrendak ikusgai daude Udalaren webgunean; era berean, gaurko egunean zehar gurasoei edo tutoreei SMS eta posta elektronikoz jakinaraziko zaizkie emaitzak.

Ondorengo urratsa behin-betiko izen-ematea egitea izango da. Kasu honetan, dokumentazio osagarria aurkeztu beharko da, nahiz eta ez den beharrezkoa izango NISAE bidez beste erakunde batzuetako argiriak kontsultatzeko baimena emanez gero. 

Behin-betiko izen-ematea apirilaren 28tik maiatzaren 8ra egin ahal izango da, hiru bide hauetako bat erabilita: online, udaleko webguneko egoitza elektronikoan (tramiteen atarian; BakQ-a beharrezkoa da), presentzialki UDATEn (astelehena-asteazkena, 07:15-14:15; ostegunak, 07:15-19:00; ostiralak, 08:15-14:15); eta Kultur Etxean (astelehenetik ostiralera, arratsaldez, 17:00etatik 19:00etara).

Udalekuen inguruko informazio guztia eta oinarriak Udalaren webgunean daude kontsultagai.