Janus Lester taldeak joko du Zaldunita egunean

• 175 pertsonak hartu dute parte bozketan, eta 64 pertsonaren babesa jaso du Janus Lesterrek.
   

Herritarren parte hartzearen bidez erabaki da zein taldek emango duen kontzertua datorren urteko Inauterietako Zaldunita egunean. Erabaki plataforman eta kultur etxeko hautesontzian bozkatu ahal izan dute. Pertsona gehiagoren iritziak jaso nahian, lehen aldiz egin da horrela, orain arte jai batzordean egin izan baita kontsulta. 

175 pertsonak parte hartu dute bozketan, eta zazpi hautagairen artean aukeratu ahal izan dute: Bengo, Ezpalak, Indabe, Janus Lester, Kai Nakai, Los Zopilotes Txirriaos eta Merina Gris. Janus Lester taldeak eskuratu du babesik handiena, 64 bozka, eta jada konfirmatu da bere parte hartzea. Hauek izan dira emaitzak (Erabaki plataforman kontsultatu daitezke): 

• Janus: 64 

• Zopilotes: 54 

• Bengo: 26 

• Merina Gris: 20 

• Kai Nakai: 6 

• Indabe: 4 

• Ezpalak: 1

Udalak eskerrak eman dizkie parte hartu duten herritarrei, baita musika taldeei ere, beren prestutasunagatik.