Tolosaren etorkizuneko hirigintza-garapenak jarraitu behar dituen irizpideak eta jarraibideak eta, zehazki, etorkizunerako hirigintza-antolamendua zehazteko oinarriak.
Zerbitzuen karta deritzon dokumentuaren bidez, Udalak azaltzen dizkie herritarrei berez dagozkion zerbitzuak, herritar hauek zerbitzuak jasotzerakoan dituzten eskubideak eta zerbitzuak eskaintzerakoan hartzen dituen kalitate konpromezuak.
Udal departamentu honen ardura da, besteak beste, berdintasunarekiko Tolosako Udalaren konpromisoa sendotzea, herritarren jabetza eta partaidetza sustatzea, bereziki emakumeena, gaiarekiko sentsibilizazioa areagotzea, indarkeria sexista identifikatzeko, prebenitzeko eta desagerrarazteko lan egitea.
Enplegua suspertzeaz, merkataritza indartzeaz, feriak antolatzeaz, turismoari bultzada emateaz eta informazioa zabaltzeaz arduratzen dira departamentuok.
Udaletxeko langileen kudeaketa, lanpostu deialdiak eta kontratazioak burutzea,etab. Informatika gaiak, beti ere, Udaletxe barneko funtzionameduari zuzenduta.
Gizarte Zerbitzuak prestazio eta zerbitzu multzo bat dira eta erantzuten diete pertsonek dituzten behar eta eskeei honako gai hauetan: norbera modu autonomoan moldatzeko edota familian, komunitatean eta, oro har, gizartean integratzeko.
Departamentu honen ardura da administrazio egintzaren fede eta berme juridikoa ematea; horrekin batera, izapide edo tramiteak herritarrei erraztea eta beraien inguruko informazioa ematea.
Departamentuaren egitekoak dira, ingurumenaren arloko udal programak, ekimenak eta jardunak planifikatzea, diseinatzea eta egitea, Udalak egin beharreko obren exekuzioa, hainbat zerbitzuren kudeaketa (kaleko argiak, hondakinen bilketa, kale garbiketa, etab).
Departamentuaren egitekoak dira, kultura, gazteria eta jaien arloko udal programak, ekimenak eta jardunak planifikatzea, diseinatzea eta egitea; kultura sustatzea; kultur azpiegiturak kudeatzea; herriko kultura, gazteria eta jaietako eragaileen jarduerak sustatzea.
Ogasun departamentuari dagokio udalaren baliabide ekonomikoak kudeatzea, diru sarrerak eta gastuak, kobrantzak eta ordainketak, udal aurrekontuaren kudeaketa, etab.
“Arrastoan” dokumentala eta beste hainbat kultur jarduera aste honetan Tolosan
Tolosako UdalaTolosako Udala
2021/03/01 | Kultura, Gazteria, Jaiak
“Arrastoan” dokumentala, zinea, erakusketak eta beste hainbat kultur jarduera egongo dira aste honetan Tolosan, baita martxoaren 8aren inguruko ekimenak ere.
Sarrera guztiak kutxako webgunean edo Leidorreko leihatilan daude eskuragarri.
Beste aste batez, hainbat kultur jardueraz gozatu ahal izango dute tolosarrek. Aste hau, gainera, berezia da. Emakumeen Nazioarteko Eguna ate joka dagoenez, ostiralean prentsaurrekoan aurkeztuko da martxoaren 8aren bueltan antolatutako kultur jardueren egitarau osoa. Honakoak dira aste honetako gainerako kultur jarduerak:
Martxoaren 7an, igandea, “Arrastoan” dokumentala eskainiko da 12:00etan Leidorren. Tolosatzen Eskola Irekian saio didaktikoak egin dira, LH6 mailako 250 ikasleentzat. Orain, Tolosako familia guztiei zabaldu nahi zaie dokumentala ikusteko aukera. Sei lagunek Laponiara egindako espedizioa da ikusentzunezkoaren ardatza, bertako jendea eta bizimodua ezagutzeko aukera ematen duena. Dokumentalaren egileak, Iker Iriarte eta Josu Iztueta, izango dira bertan. Proiekzioaren ostean solasaldia egiteko. Sarrera doakoa izango da, aurrez gonbidapena eskuratu behar da Kutxako webgunean edo Leidorreko leihatilan, astelehen, ostegun, ostiral eta larunbatean 18:00etatik 19:00etara edo martxoaren 7an bertan, 11:00etatik 12:00etara.
Ostegunean, astero lez, zine foruma egongo da 19:00etan Leidorren. “El despertar de las hormigas” filmea egongo da ikusgai jatorrizko bertsioan, gaztelerazko azpitituluekin. Isa jostuna da eta familiarekin bizi da Costa Ricako herri txiki batean. Senarrak hirugarren seme bat izatea nahi du, mutil bat, baina Isak ez du beste haurdunaldirik nahi. Orain arte, inoiz ez du zalantzan jarri familian duen eginkizuna baina zerbait aldatu behar duela ohartzen da.
Gazte Topaguneak martxoaren 4an txapa tailerra antolatu du, eta ostiralean, martxoak 5, zeramika tailerra. Asteburuan eguraldi ona egiten badu, kalean kirol jarduerak ere egongo dira. 12-16 urte bitarteko gazteei zuzendutako ekintzak dira, eta aurrez izena eman behar da @topaguneatolosa Instagram kontuan.
Bestalde, aste honetan hasiko da Tolosako Kultur Etxeak antolatutako antzerki ikastaroa, antzerki-prestakuntza eskaintzen duena eszenan jarduteko eta hortik kanpoko bizitza aberasteko baliabideak ematen dituena. Asteazkenetan izango da 19:30etatik 21:00etara Kultur Etxean, ekainaren 16ra bitarte.
Bi erakusketa ere badaude ikusgai Aranburu Jauregian 17:30etatik 20:30etara. Inauterien inguruko “Jeiki Jeiki 2021” erakusketa martxoaren 6ra arte egongo da. Guztira 22 panel ditu eta ikusentzunezkoak ere eskainiko dira. “Itzalpeko euskal emakumeak” erakusketa, berriz, apirilaren 10era bitarte egongo da. Protagonistak dira XX. mendean errepresioa eta jazarpena pairatu zuten emakume aitzindariak. Erkibe elkarteak antolatu du, Udalaren eta Foru Aldundiaren babesarekin.
Zine saioei dagokienez, aste honetan ere bi filme eskainiko dira. Haurrentzat “Mi vecino Totoro” pelikula emango da Leidorren igandean 16:00etan, eta helduentzat, berriz, “Entre nosotras” filma eskiniko da larunbatean eta igandean 19:00etan Leidorren.
