Haur liburutegia zabalik bihartik aurrera

• Haur liburutegiko Errota eraikina, bihar, azaroak 10, zabalduko da berriz ere.

• Astelehenetik ostiralera, 17:00etatik 20:00etara egongo da zabalik.

Pandemiaren eraginez, Errota eraikinean kokatzen den haur liburutegia itxita egon da orain arte, baina bihar zabalduko ditu ateak berriz.

Astelehenetik ostiralera 17:00etatik 20:00etara egongo da zabalik 0-16 urte bitarteko haur eta gazteentzat. Honako zerbitzuak eskaintzen ditu Tolosako haur liburutegiak: mailegua eta liburutegien arteko mailegua, informazioa, erreprografia, komikiteka, hemeroteka, bideoteka eta fonoteka, internet, ofimatika eta Wifi konexioa, hainbat interesgune, udan kaleko liburutegia eta ekintzetarako gunea.