Irailaren 10etik aurrera eman daiteke izena Kultura eta Gazteria Departamentuen 12 ikastaroetan

Hitzordua
Informazio gehiago

Tolosako Udala
2018/09/06 | Kultura, Festak eta Gazteria
  • Kultura sailetik 9 ikastaro eta Gazteriak sailetik 3 eskainiko dira 2018/19 ikasturtean.
  • Izen-ematea on line gauzatu daiteke www.tolosa.eus web orrian (Kulturakoak soilik) edota presentzialki Kultur Etxean 10:00etatik 13:00etara eta 16:00etatik 19:00etara (Kultura eta Gazteria saileko ikastaroak).

Kultura eta Gazteria sailek ezagutara eman dute 2018/19 ikasturterako prestatu duten ikastaro eta tailer eskaintza. Datuei erreparatuz, nabarmena da arrakasta: 2014/15 ikasturtean 364 ikasle; 2015/16an 379; 2016/17an 390; eta iaz, 410. Iazko ikastaro guztiak mantendu ditu Kulturak:  antzerkia, argazkigintza, baleta, baleta puntak, dantza garaikidea, ehoziri lana eta patchworka, pintura eta marrazketa, eskulanak, eta zeramika. Gazteriako jardueren kasuan, gazteek beraiek Topagunean proposatutako ekimenetako 3 dira eskainiko direnak: komikigintza, argazkigintza gauez eta joskintza: patroigintza eta moda diseinua.

Izen emateei dagokienean, datorren astelehenetik, irailak 10, aurrera egongo da aukera. Kultur tailerren kasuan bi data bereizi dituzte: iazko ikasleentzat irailaren 10etik 14ra, eta ikasle berrientzat irailaren 17tik 21era. On line gauzatu daiteke www.tolosa.eus web orrian (Kulturakoak soilik) edota presentzialki Kultur Etxean 10:00etatik 13:00etara eta 16:00etatik 19:00etara (Kultura eta Gazteria saileko ikastaroak). Harremanetarako, kasuak kasu, kultura@tolosa.eus edota gazteria@tolosa.eus idatzi daiteke edota telefonoz 943 670 383 telefono zenbakian.

Ordainketa era ezberdinak daude eskura (ordainketa bakarra, bi zatitan...) eta esaterako, Tolosaldean erroldatutako familia ugariek %50eko murrizpena izango dute.

Informazioa guztia

Honakoak dira ordutegiak eta tarifak:

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.