Tolosako Udal Musika Bandaren abenduak 24 eta 31ko arratsaldeko kontzertuak online egongo dira ikusgai

• Arratsaldeko 19:00etan dira bi kontzertuak, eta jende-pilaketak ekidin eta segurtasuna bermatzeko, online ikusi ahal izango dira.

• 28 Kanalean eta Tolosako Kultura sailaren Youtubeko kanalean egongo dira ikusgai.

Tolosako Udal Musika Bandak aurtengo gabonetan ere hainbat kontzertu eskainiko ditu Tolosan. Abenduaren 24an eta 31n arratsaldeko 19:00etako kontzertuak online ikusi ahal izango dira, jende-pilaketak saihesteko eta guztion segurtasuna bermatzeko. Bi kontzertuak 28 Kanalean (telebistan) eta Tolosako Kultura saileko Youtubeko kanalean ikusteko aukera egongo da.

Dena den, Tolosako Banda aurrez aurre ikusteko aukera egongo da abenduaren 24an eta urtarrilaren 6an, eguerdiko 12:30ean Zerkausian arituko baitira bi egun horietan.