Tolosand Blues jaialdiaren 18. Edizioa, ekainaren 30etik uztailaren 3ra

Ekainaren 30etik uztailaren 3ra izango da Tolosand Blues jaialdiaren 18. edizioa. Beste urte batez, puntako taldeak eta musikariak entzuteko aukera egongo da Tolosan, swing, rockabilly, blues, soul, jazz… doinuez gozatuz. Bederatzi emanaldi hartuko ditu aurten jaialdiak, eta herriko hainbat gunetan izango dira: Euskal Herria eta Lopez Mendizabal plazetan, Zerkausian, Plaza Berrian, Frontoi eta Ilargi tabernetan eta Txurrerian.

Izarne Iglesias, Kultura zinegotziak azaldu duenez, “San Joanen ondotik, herriko agenda kulturalak ez du etenik izango. Tolosak berriro ere bat egingo du blues, soul eta jazz doinuekin udarari ongietorria emateko, maila handiko taldeekin. Etenik gabe, 2005. urtetik antolatzen den jaialdia da Tolosand Blues eta, beraz, dagoeneko hitzordu garrantzitsua bilakatu da tolosar guztiontzat. Hortaz, egitarauaz gozatzera animatu nahi ditut tolosarrak zein bisitariak.”

Mississippi Queen & The Wet Dogs, Sweet Marta & The Blues Shakers, Gaby Jogeix, Bluebird, Cesar Crespo, Nick Moss Band, Armonica Fredy Band, Serious Business eta Nico Wayne Toussaint arituko dira Tolosan.

EGITARAUA: 

• Mississippi Queen & The Wet Dogs. Ekainak 30, 20:00etan, Euskal Herria plazan.
• Sweet Marta & The Blues Shakers. Uztailak 1, 19:30etan, Ilargi tabernan.
• Gaby Jogeix. Uztailak 1, 22:30etan, Plaza Berrian.
• Bluebird. Uztailak 2, 13:00etan, Lopez Mendizabal Plazan..
• Cesar Crespo. Uztailak 2, 19:00etan, Zerkausian.
• Nick Moss Band. Uztailak 2, 22:30, Plaza Berrian.
• Armonica Fredy Band. Uztailak 2, 00:30, Frontoian.
• Serious Business. Uztailak 3, 13:00, Txurrerian.
• Nico Wayne Toussaint. Uztailak 3, 20:00, Plaza Berrian.