Bedaioko azoka berezia ospatuko da igandean (azaroak 5) eta autobus zerbitzuak eskainiko dira bertaratzeko

Tolosako Udala
2023/11/02 | Merkataritza, Feriak eta Turismoa
  • Asteburuko azokan, besteak beste, bertako baserriko animaliak, barazkiak, esnekiak eta eskulanak izango dira aukeran

 

Igande honetan, azaroaren 5ean Bedaioko azoka berezia egingo da eta bertako baserriko animaliak, barazkiak, esnekiak, eztia, eskulanak, gozoak… izango dira aukeran. Oso azoka bertakoa eta goxoa izaten da, mimo handiarekin prestatua. Bedaiotar guztiek (haur, gazte zein heldu) hartzen dute parte ekimenean. Herritar guztiei bertaratzeko gonbidapena luzatu nahi zaie eta Tolosako Udalak autobus zerbitzu berezia jarriko du azokara joan ahal izateko. 

Autobusaren ordutegia eta geltokiak

Tolosatik Bedaiora joateko bi autobus zerbitzu eskainiko dira eta Bedaiotik Tolosara joateko, beste bi. Ordutegi eta geltokiak ondokoak izango dira: 

Tolosa-Bedaio

1. zerbitzua: 

10:45ean Tolosako San Frantziskoko geltokian

11:00etan Alegin, eskoletako geltokian

11:10etan Ugarte Bedaioruntz. 

2. zerbitzua: 

12:00etan Tolosako San Frantziskoko geltokian

12:15ean Alegin, eskoletako geltokian

12:25ean Ugarte Bedaioruntz

Bedaio-Tolosa

1. zerbitzua: 

13:00etan Bedaioko eliz plazatik aterako da dagozkion geldiunea eginez, Ugarte-Alegi eta Tolosa (San Frantzisko)

2. zerbitzua: 

13:45ean Bedaioko eliz plazatik aterako da dagozkion geldiuneak eginez, Ugarte-Alegi eta Tolosa (San Frantzisko)

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.