- Tolosako ondarearen berezitasunak ezagutzeko ohiko bisita gidatuak eskainiko dira: Alde Zaharra, Azoka eta Andre Maria eliza eta bere gangak.
Tolosaren historia eta ondarearen berezitasunak lau haizetara zabaltzeko turismo eskaintza osatu du, beste urte batez, Tolosako Udalak. Uda honetan, Tolosa ezagutu nahi duen orok bi aukera izango ditu eskura: bisita gidatuak eta audiogidak.
Hiru bisita gidatu
Azken urteotako joera jarraituz, Tolosako Alde Zaharra, larunbateroko Azoka eta Andre Maria parrokia ezagutzeko bisitak eskainiko dira, abuztuaren 31ra bitarte. Astelehenetik ostiralera, bisitak goizeko ordutegian egingo dira; larunbatean, berriz, goizez eta arratsaldez.
Turismo Bulegoan edo online erreserba egitea nahitaezkoa izango da, eta erreserba egitean, hizkuntza hautatu ahal izango da: euskara, gaztelania, ingelesa edo frantsesa.
| |
Zer ikusiko duzu?
|
Ordutegia
|
|
Alde Zaharra
|
Tolosako kale, plaza eta eraikin zaharrenek milaka istorio bitxi ezkutatzen dituzte, eta gaur egun duen itxurak ere baditu bere arrazoiak. Ezagutu itzazu bisitan zehar.
|
Asteartetik ostiralera: 11:00
Larunbatak: 10:00 eta 17:30
|
|
Andre Maria eliza
|
Gipuzkoako bigarren elizarik handienaren ganga originalak ezagutu, 110 eskailera igota.
|
Asteartetik ostiralera: 12:30
Larunbatak: 13:00 eta 16:00
|
|
Azoka
|
Larunbatero egiten da Azoka, duela zazpi mende. Ezagutu bilakaera, herrian duen garrantzia eta saltzen diren produktu esanguratsuenak.
|
Larunbatak: 11:30
|
Iraupena: ordu bat
Prezio arrunta: 4€
Tarifa murriztua: 2€ (erretirodunak, 4 eta 16 urte bitarteko haurrak, langabeak, Nekatur edo Basquecard txartela dutenak)
Doako tarifa: talde arduradunak eta 4 urtetik beherako haurrak
Salmenta, erreserbak eta elkargunea:
Tolosaldeko Turismo Bulegoa (Plaza Zaharra, 10)
943 697 413 / tour@tolosaldea.eus
Audiogidak, Tolosa norbere kasa ezagutzeko
Bisita norbere kabuz egin nahiago dutenentzat, audiogida izango dute eskura. Bisita gidatu birtual hauekin, bertatik bertara egiten diren bisita gidatuetan aipatzen diren berezitasunak jasotzeko aukera izango du erabiltzaileak, audio bidez.
Tolosako interesgune nagusiak ezagutzeko ibilbide bat proposatzen du 17 kapitulu biltzen dituen audiogida-podcast honek, eta audioak berak gidatuko du erabiltzailea puntu batetik bestera; hori bai, nork bere erritmora egin ahal izango du, nahi duen geldialdi guztiekin. Gehienez ere bi minutuko iraupena du kapitulu bakoitzak. Besteak beste, Zerkausiko, Atodo, Iturritza edo Idiakez jauregietako edota Euskal Herria eta Euskal Pizkundearen plazako ezaugarri nahiz bitxikeriak kontatzen dituzte, audio-efektuekin murgiltze esperientzia bat lortuta.
Audiogidetara sartzeko interes-puntu bakoitzean dauden ondare plaketan eskuragarri dauden QR kodeak eskaneatu daitezke, Tolosa turismoko webgunea bisitatu daiteke, edo Spotify eta Google Podcast plataformetan bilatu daitezke.
Bestelako bisitak
Bisitariei begira ere eskaintza indartuko dute herriko beste hainbat eragile eta ekoizlek. Txotxongiloen munduan murgiltzeko, txokolatearen prozesua ezagutu eta dastatzeko, edota erlezaintzaren berezitasunak eta produktu aniztasuna ezagutzeko aukera izango da, besteak beste.
Topic, Txotxongiloen Museoa
Rafa Gorrotxategi, Txokolatearen museoa eta tailerrak
Balerdipeko Erleak, egun batez erlezain
Sarrerak webgunean edo info@balerdipeko.eus-era idatzita.
