Azalpenak eskatuko ditu udalak, azken egunotan argindarrarekin gertatutakoaren harira

Azken egunotan –ekainaren 22ko arratsaldean 3 orduz, eta gaur goizean, ekainaren 26an, beste 5 orduz– Tolosako hainbat gune argindarrik gabe geratu ondoren, eta egoeraren larritasuna kontutan izanda, honakoa adierazi nahi du Tolosako Udalak:

• Ezohikoak bezain larriak izan dira mozketak, eta merkatari, ostalari zein herritar askori eragozpen eta kalte handiak sortu dizkigute.

• Udalak, kaltetu modura, nahiz ezinegona adierazi duten herritar, merkatari eta ostalarien izenean, azalpenak eskatuko dizkio Iberdrolari, gertaera hauen arrazoiak argitu ditzan eta berriz ere gerta ez daitezen neurri eraginkorrak har ditzan.

• Era berean, Eusko Jaurlaritzari ere esku har dezan eskatuko zaio.