Tolosaren etorkizuneko hirigintza-garapenak jarraitu behar dituen irizpideak eta jarraibideak eta, zehazki, etorkizunerako hirigintza-antolamendua zehazteko oinarriak.
Zerbitzuen karta deritzon dokumentuaren bidez, Udalak azaltzen dizkie herritarrei berez dagozkion zerbitzuak, herritar hauek zerbitzuak jasotzerakoan dituzten eskubideak eta zerbitzuak eskaintzerakoan hartzen dituen kalitate konpromezuak.
Udal departamentu honen ardura da, besteak beste, berdintasunarekiko Tolosako Udalaren konpromisoa sendotzea, herritarren jabetza eta partaidetza sustatzea, bereziki emakumeena, gaiarekiko sentsibilizazioa areagotzea, indarkeria sexista identifikatzeko, prebenitzeko eta desagerrarazteko lan egitea.
Enplegua suspertzeaz, merkataritza indartzeaz, feriak antolatzeaz, turismoari bultzada emateaz eta informazioa zabaltzeaz arduratzen dira departamentuok.
Udaletxeko langileen kudeaketa, lanpostu deialdiak eta kontratazioak burutzea,etab. Informatika gaiak, beti ere, Udaletxe barneko funtzionameduari zuzenduta.
Gizarte Zerbitzuak prestazio eta zerbitzu multzo bat dira eta erantzuten diete pertsonek dituzten behar eta eskeei honako gai hauetan: norbera modu autonomoan moldatzeko edota familian, komunitatean eta, oro har, gizartean integratzeko.
Departamentu honen ardura da administrazio egintzaren fede eta berme juridikoa ematea; horrekin batera, izapide edo tramiteak herritarrei erraztea eta beraien inguruko informazioa ematea.
Departamentuaren egitekoak dira, ingurumenaren arloko udal programak, ekimenak eta jardunak planifikatzea, diseinatzea eta egitea, Udalak egin beharreko obren exekuzioa, hainbat zerbitzuren kudeaketa (kaleko argiak, hondakinen bilketa, kale garbiketa, etab).
Departamentuaren egitekoak dira, kultura, gazteria eta jaien arloko udal programak, ekimenak eta jardunak planifikatzea, diseinatzea eta egitea; kultura sustatzea; kultur azpiegiturak kudeatzea; herriko kultura, gazteria eta jaietako eragaileen jarduerak sustatzea.
Ogasun departamentuari dagokio udalaren baliabide ekonomikoak kudeatzea, diru sarrerak eta gastuak, kobrantzak eta ordainketak, udal aurrekontuaren kudeaketa, etab.
Bideo bat argitaratu du Udalak 'tolosatzen' ekimenaren filosofia plazaratzeko eta aurrekontuen bileretan parte-hartzeko gonbita luzatuz.
2016an, herritarrekin batera, Tolosaren Argazki partekatua egin eta 2017an 2017-27 Plangintza Estrategikoa osatu ostean, 2017 eta 2018an aurrekontuei begirako proiektuak landu zituzten tolosarrek: 40 sartu ziren 2017ko aurrekontuan eta 50, 2018koan.
Aurreko aurrekontuetan garatutako proiektuen bilerak amaitu berritan, 2019ko aurrekontuak lantzeko hitzorduei dagokie orain. Guztira 8 bilera burutuko dira bi astetan, azaroaren 12tik 22ra, 2019ko aurrekontuetarako proposamenak jasotzeko. Guztira 4 bilera izango dira datorren astean: Garapen Ekonomikoari dagokiona da lehena, eta interesa duen oro dago gonbidatua bilera guztietara. Honakoak dira hitzorduak:
Garapen ekonomikoa
Azaroak 12, 19:00etan, Udaletxeko batzar-aretoan.
Euskara eta hezkuntza
Azaroak 14, 19:00etan, Oriaburun.
Kirola
Azaroak 15, 19:00etan, Oriaburun.
Berdintasuna
Azaroak 15, 19:00etan, Kultur Etxean.
Ingurumena
Azaroak 19, 19:00etan, Oriaburun.
Gazteria
Azaroak 20, 19:00etan, Oriaburun.
Kultura
Azaroak 21, 19:00etan, Kultur Etxean.
Gizarte zerbitzuak
Azaroak 22, 19:00etan, Kultur Etxean.
Bilerez gain, proposamenak egiteko hainbat bide zabaldu ditu Udalak: online, www.udala.tolosa.eus/aurrekontuak2019 estekan, eta etxez etxe banatutako liburuxkaren bitartez ere egin daitezke.
Bideo bat argitaratu du Udalak 'tolosatzen' ekimenaren filosofia plazaratzeko eta aurrekontuen bileretan parte-hartzeko gonbita luzatuz. Ikusgai www.tolosa.eus -en.
2016an, herritarrekin batera, Tolosaren Argazki partekatua egin eta 2017an 2017-27 Plangintza Estrategikoa osatu ostean, 2017 eta 2018an aurrekontuei begirako proiektuak landu zituzten: 40 barneratu ziren 2017ko aurrekontuan eta 50, 2018koan. Aurten ere aukera izango da horretarako, guztira 17 bilera programatu baitira bi zatitan banatuta: garatutako proiektuen bilerak (jada burutu direnak) eta 2019ko aurrekontu parte-hartzaileak, azaroaren 12tik 22ra.
Tolosatzenen ezarritako 73 ekintzak abian
2017-27 Plangintza Estrategikoak 73 ekintza barneratzen ditu lau lan-ildotan banatuta:
Baloreetan oinarritutako gizarte konprometitua eta inklusiboa sustatzea.
Herri hezitzaile eta irekia egitea, euskara mailan arnasgunea, kalea herritarren topagunea bihurtuz.
Garapen iraunkorrean herri aitzindaria izatea, klima aldaketaren aurrean konpromiso sendoa hartuko duena.
Garapen ekonomikoko eredu orekatua eta duina bultzatzea, pertsona erdigunean jarriz.
Ekintza guztiak daude abian. Ekintzen garapenerako martxan jarritako jarduera asko ere bete dira, eta ondorioz, herritarrekin batera jarduera berriak adosten jarraituko du Udalak, etenik gabe lan-ildo estrategikoak elikatzen eta betetzen joateko. Iaz, www.tolosa.eus web orria berritu zenetik, tolosatzen ekimeneko lan-ildoen betetze-mailaren jarraipena egin daiteke, sailez sail zein tolosatzen atalean.
