Aleka, Tolosako udal aldizkariaren ale berria argitaratu du Udalak

• 2021. urterako udal aurrekontuen inguruko informazioa jasotzen da aldizkarian. Egungo egoerari erantzuteko aurrekontuak onartu ditu Udalak, gizarte babesa bermatzera, hiri ekonomia suspertzera, kultura babestera eta komunitatea sendotzera eta etorkizuneko tolosarren oinarriak lantzera bideratuta.

• Tolosako etxe guztietan banatu da ale bana eta Udalaren webgunean edo udal eraikinetan ere eskuratu daiteke.

Aleka, Tolosako udal aldizkariaren ale berria argitaratu du Udalak. 2021. urterako udal aurrekontuak dira aldizkariaren ardatza.

Tolosako Udalak egungo egoerari erantzuteko aurrekontuak onartu ditu, helburu hauekin: gizarte babesa bermatzea, hiri ekonomia suspertzea, kultura babestea eta komunitatea sendotzea eta etorkizuneko tolosarren oinarriak lantzea. Hala, aldizkarian zehar aurrekontuari buruzko xehetasun guztiak jaso dira: aurrekontuaren banaketa, helburu bakoitzera bideratutako aurrekontuarekin garatu nahi diren proiektuak, edo etorkizunera begira martxan jarriko diren proiektuen inguruko informazioa, adibidez.

Azken hilabeteetan gauzatu diren hainbat proiekturen berri ere ematen da udal aldizkarian.

Tolosako etxe guztietara banatu da ale bana, eta Udalaren webgunean eta udal eraikinetan ere eskuragarri dago.