Tolosaren 2018ko egitasmoak finkatzeko, Tolosatzenen bigarren bilera azaroaren 8an

Tolosako Udala
2017/11/08 | Tolosatzen

Pasaden urriaren 23an eman zitzaion hasiera 'Tolosatzen 2018' ekimenari. Lehen bilera hartan, iaz herritarrek  Tolosatzenen 2017ko aurrekonturako proposatutako ekintzen egoeraren berri eman zuen Udalak. Orain, bigarren bileran, 2018ko aurrekonturako lerroak adostu eta proiektuak lehenetsiko dira. Azaroaren 8an izango da bigarren bilera hau: arratsaldeko 19:00etan, Kultur Etxean. Irekia da, herritarrei zabalik dago.

Lehen bileran aurreratu bezala, guztira 73 lan-lerro barneratu ziren Tolosatzenen landutako Tolosako Plangintza Partekatua 2017-2027n eta oraingoz, 50 daude abian. Txosten batean batu da informazio guztia eta hitzorduetara bertaratu zirenei, zein asteazken honetan etorriko direnei banatuko zaie. Eskuragarri dago www.tolosa.eus/tolosatzen orrian. Berdin, Tolosaren Argazki Partekatua 2016 eta 2017-2017 Plangintza Partekatua. 

Edonolako zalantzarik bazenu, idatzi partehartzea@tolosa.eus helbidera. Bertan Udaleko partehartze teknikariek informazio zuzena helaraziko dizuete.

Hitzordua
Azaroak 8.  2018ko aurrekontuetan txertatuko diren alorrez alorreko ekintzak adosteko. Arratsaldeko 19:00etan, Kultur Etxeko Areto Nagusian.

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.