Tolosaren etorkizuneko hirigintza-garapenak jarraitu behar dituen irizpideak eta jarraibideak eta, zehazki, etorkizunerako hirigintza-antolamendua zehazteko oinarriak.
Zerbitzuen karta deritzon dokumentuaren bidez, Udalak azaltzen dizkie herritarrei berez dagozkion zerbitzuak, herritar hauek zerbitzuak jasotzerakoan dituzten eskubideak eta zerbitzuak eskaintzerakoan hartzen dituen kalitate konpromezuak.
Udal departamentu honen ardura da, besteak beste, berdintasunarekiko Tolosako Udalaren konpromisoa sendotzea, herritarren jabetza eta partaidetza sustatzea, bereziki emakumeena, gaiarekiko sentsibilizazioa areagotzea, indarkeria sexista identifikatzeko, prebenitzeko eta desagerrarazteko lan egitea.
Enplegua suspertzeaz, merkataritza indartzeaz, feriak antolatzeaz, turismoari bultzada emateaz eta informazioa zabaltzeaz arduratzen dira departamentuok.
Udaletxeko langileen kudeaketa, lanpostu deialdiak eta kontratazioak burutzea,etab. Informatika gaiak, beti ere, Udaletxe barneko funtzionameduari zuzenduta.
Gizarte Zerbitzuak prestazio eta zerbitzu multzo bat dira eta erantzuten diete pertsonek dituzten behar eta eskeei honako gai hauetan: norbera modu autonomoan moldatzeko edota familian, komunitatean eta, oro har, gizartean integratzeko.
Departamentu honen ardura da administrazio egintzaren fede eta berme juridikoa ematea; horrekin batera, izapide edo tramiteak herritarrei erraztea eta beraien inguruko informazioa ematea.
Departamentuaren egitekoak dira, ingurumenaren arloko udal programak, ekimenak eta jardunak planifikatzea, diseinatzea eta egitea, Udalak egin beharreko obren exekuzioa, hainbat zerbitzuren kudeaketa (kaleko argiak, hondakinen bilketa, kale garbiketa, etab).
Departamentuaren egitekoak dira, kultura, gazteria eta jaien arloko udal programak, ekimenak eta jardunak planifikatzea, diseinatzea eta egitea; kultura sustatzea; kultur azpiegiturak kudeatzea; herriko kultura, gazteria eta jaietako eragaileen jarduerak sustatzea.
Ogasun departamentuari dagokio udalaren baliabide ekonomikoak kudeatzea, diru sarrerak eta gastuak, kobrantzak eta ordainketak, udal aurrekontuaren kudeaketa, etab.
Tolosatzen Eskola Irekia programako ‘Entzute aktiboa eta enpatia’ tailerra online martxoaren 26an eta 27an
Hitzordua Informazio gehiago
Tolosako UdalaTolosako Udala
2020/03/23 | Komunitatea eta Gobernantza
Martxoaren 26an eta 27an izango dira saioak, guztira lau, bi euskaraz eta bi gaztelaniaz, 10:00etatik 12:00etara eta 17:00etatik 19:00etara. Gehienez zortzi plaza egongo dira saio bakoitzerako.
Tailerrean parte hartzeko ezinbestekoa izango da aurrez izena ematea udaletxeko webgunean. Gaur ireki da izena emateko epea.
Coaching-ean eta mindfulness-ean aditua den Larraitz Urrestillak emango du tailerra.
Egoerak behartuta, martxoaren 12az geroztik martxan dagoen Tolosatezen Eskola Irekia programa ahalik eta osotasunik handienean gauzatzeko lanean jarraitzen du Tolosako Udalak. Hala, hasiera batean apirilaren 16rako eta 23rako iragarrita zegoen ‘Entzute aktiboa eta enpatia’ tailerra aurreratu egingo da, eta online emango da. Guztira lau saio antolatu dira, horietatik bi euskaraz eta beste bi gaztelaniaz. Saioak martxoaren 26an eta 27an izango dira, bi ordutegi ezberdinetan: 10:00etatik 12:00etara eta 17:00etatik 19:00etara.
Guztira zortzi lagunentzako lekua egongo da saio bakoitzean, eta parte hartzeko beharrezkoa izango da aurrez izena ematea galdetegi bat beteta (galdetegia). Gaur bertan irekiko da izena emateko epea. Gehienez ere saio batean eman ahalko da izena, eta plazak agortu arte egongo da irekita izena emateko epea.
Ikastaroa formakuntza pilula moduan emango da, eta interaktiboki formakuntza-gela gisa. Izena ematen dutenek, ikastaroa baino lehen irakurri beharreko dokumentu bat eta esteka bat jasoko dute. Saioa egingo duten egunean esteka horretan sartu beharko dira, eta orduan jasoko duten ID kodea erabiliz sartu ahalko dira ikasgela birtualera. Behin saioa amaitzen denean, email bat jasoko dute saioaren edukiaren inguruko hausnarketa gida batekin.
Larraitz Urrestilla coaching-ak eta mindfulness-ean adituak emango du ikastaroa. Tolosarra da jaiotzez Urrestilla, gaur egun Gain coaching enpresako arduradunetako bat da, eta ‘El lider mindful’ liburuaren egilea da. Pertsonen eta taldeen kudeaketan eta garapenean jarduten du coaching-a eta mindfulness-a bidelagun. Urrestillaren hitzetan, “bi erreminta horiek norbanako bakoitzaren abileziak ezagutzen eta indartzen laguntzen dute, enpresak zehaztu dituen helburuak betez eta pertsonen gogobetetzea asez”. Telefónica Data Españan eta Mondragon Taldean aritu da lanean, eta, besteak beste, Fagor Ederlan, Emun, Maier eta Kristau Eskolarako coaching eta mindfulness programak garatu ditu.
Umorea eta emozioak Virginia Imazekin
Trebetasun sozialak lantzeko, sendotze soziokomunitarioa sustatzeko eta udalerriaren ezagutza bultzatzeko helburuarekin, martxoaren 12an jarri zen martxan Tolosatzen Eskola Irekiaren 2020ko egitaraua. Virginia Imaz-en eskutik umorea eta emozioak jorratu ziren Zerkausian egindako lehen saio hartan (saioaren laburpen bideoa ikusi). Azken astetako egoera dela-eta, ordea, elkarteekin eta taldeekin aurreikusita zeuden saioak bertan behera geratu dira, arduraz jokatuz eta zehaztutako prebentzio neurriak jarraituz.
Baina egoera behartuek aukera berriak ere eskaintzen dituzte, eta herritarren ahalduntzera zuzendutako eskolak ere bere herritarren beharretara eta egoeretara egokitzen jakin behar du. Beraz, eta ‘Entzute aktiboa eta enpatia’ tailerrarekin egin den moduan, Tolosatzen Eskola Irekiaren baitako gainontzeko ikastaroak, ahal den neurrian, online eskaintzeko lanean ari da udala.
