“Auzolanean Tolosa” ekimenari buruz kaleratutako oharraren harira hainbat argibide

• Udaletik nabarmendu dute ekimena tolosar talde baten eskutik sortu zela eta ondoren, proposamena udalean jasotzean, hainbat eragilerekin eta “Auzolanean Tolosa” boluntario taldearekin elkarlanean eta guztien parte hartzearekin adostu eta finkatu dela jarduteko protokoloa, laguntza segurtasun eta osasun berme guztiekin eskaintze aldera.

Udaletik arratsaldean zabaldu den oharraren harira, hainbat argibide eman nahi izan dira, herritarren artean sortu ahal izan diren gaizki ulertuak argitzeko asmoz: 

1. “Auzolanean Tolosa” boluntario taldea tolosar talde baten ekimenez sortu zen.
2. Boluntario taldea hori udalarekin harremanetan jarri zen eta beren proposamena aurkeztu zuten.
3. Proposamena jaso zenetik, modu koordinatuan eta elkarlanean aritu dira guztiak lanean (Udala, “Auzolanean Tolosa” boluntario taldea eta egitasmora batu diren eragileak).
4. Protokoloa guztien artean adostu eta finkatua izan da, laguntza segurtasun eta osasun berme guztiekin eskaintzeko.
5. Egitasmoa jada martxan dago eta “Auzolanean Tolosa” boluntario taldea laguntza eskaintzen ari da.
6. Aste honetan bertan ekimenaren berri emango da eta datozen egunetan ere komunikazio jarraia egingo da gai honen inguruan