Elkarretaratzea indarkeria sexistarik gabeko herri baten alde

• Emakumeen Kontrako Indarkeriaren Aurkako Egunean elkarretaratzea egin du Tolosako Udalak “Indarkeria sexistarik gabeko herri baten alde” lelopean.

“Indarkeria sexistarik gabeko herri baten alde”, elkarretaratzea egin da gaur Tolosako udaletxe aurrean, Emakumeen Kontrako Indarkeriaren Aurkako nazioarteko egunean. Indarkeria matxistaren aurrean konpromiso kolektiboa eta indibiduala sustatzeko beharra azpimarratzen jarraitzen du Tolosako Udalak. Gaur egungo egoerak modu zuzenean eragin du indarkeria matxista kasuetan, eta are eta ageriagoan utzi du indarkeria matxista horri aurre egiten jarraitzeko beharra. Kontzientzia hartzea eta gai honen aurrean sentsibilizatzea ezinbesteko erremintak dira indarkeria matxistari aurre egiteko. Hala, Tolosako Udalak indarkeria matxista kasuen aurrean ikusle hutsak izatetik modu aktiboan aritzera deia egiten du.