Agaramunduko babes ofizialeko etxebizitzen zozketa uztailaren 29an izango da

Tolosako Udala
2021/07/26 | Etxebizitza
  • Zozketa Leidor aretoan izango da, 11:00etan. Zozkatuko diren 6 etxebizitzetarako 24 eskatzaile daude onartuta.

  • Eskatzaile horietako bakoitzari ausazko zenbaki bat egokituko zaio, eta zenbakiak ateratzen diren hurrenkeran osatuko da esleipendunen zerrenda. Gainerakoek itxaron zerrenda osatuko dute.

 

 

Agaramunduko babes ofizialeko etxebizitzak mugikortasun urri iraunkorra duten pertsonei edo 70 urtetik gorakoei zuzenduta daude.

Deialdi berriko zozketa uztailaren 29an izango da, 11:00etan, Leidor aretoan. Zozketa publikoa izango da. Zozkatuko diren 6 etxebizitzetarako 24 eskatzaile daude onartuta. Eskatzaile babes horietako bakoitzari ausazko zenbaki bat egokituko zaio zozketarako, eta zenbakiak ateratzen diren hurrenkeran osatuko da esleipendunen zerrenda. Gainerakoek itxaron zerrenda osatuko dute.

Bi txandatan egingo da adjudikazioa: mugikortasun urri iraunkorra duten 4 eskaera egon dira eta hauen artean esleituko da etxebizitza egokitua (bakarra). Oinarrien baitan puntuazio gehien duen esleipendunari adjudikatuko zaio etxebizitza. Bestalde, 70 urtetik gorakoen kupoan 20 eskaera egon dira. Zozketa bidez, dagozkien zenbakiak aterata, irteten diren lehen 5 zenbakiek osatuko dute esleipendunen zerrenda, eta, gainontzekoek, itxaron zerrenda osatuko dute hurrenkeraz.

Esleipenaren emaitzatik ateratzen diren esleipendunen zerrenda eta itxaron zerrenda zinegotzi delegatuaren dekretu bidez onartuko dira, eta Udalaren iragarki taulan jarriko dira erakusgai. Etxebizitzaren esleipendun gisa hautatutako bakoitzari jakinarazpen pertsonala egingo zaio.