Udal zerbitzuen berri emateko bi bideo argitaratu ditu udalak zeinu hizkuntzan

Hitzordua
Informazio gehiago

Tolosako Udala
2020/10/14 | Gizarte Zerbitzuak eta Osasuna

  • Gizarte Zerbitzuen Gida eta Zeinu Hizkuntza Interpretazio Zerbitzuari buruzko bideo informatiboak txertatu dira webgunean zeinu hizkuntzan, udalaren zerbitzuak entzumenaren funtzio-aniztasuna duten pertsonengana hurbiltzeko.

  • Helburua da udalaren eta herritarren arteko komunikazioa eta informazio eskubide berdintasuna bermatzea, eta horretarako, webguneko hainbat atal egokitzen ari da udala zeinu hizkuntzara.

 

Tolosako Udalak udal zerbitzuen berri emateko bi bideo informatibo argitaratu ditu zeinu hizkuntzan, aurrera pausu bat udal zerbitzuak herritar guztiengana zabaltzen jarraitzeko.

Gizarte Zerbitzuen Gida eta Zeinu Hizkuntza Interpretazio Zerbitzuari buruzko bideoak egin ditu udalak Eskuaire elkartearekin elkarlanean, udalaren eta herritar guztien arteko komunikazioa hobetzeko eta informazioa guztiengana irisgarri egiteko. Pixkanaka, udalaren hainbat zerbitzuei buruzko informazioa zeinu hizkuntzan argitaratzen joango da udala.

Helburua da herritar guztien informazio eta berdintasun eskubideak bermatzea eta entzumenaren funtzio-aniztasuna duten pertsonei komunitatean parte hartzeko dituzten aukerak areagotzea; baita zerbitzuak entzumen arazoak dituzten pertsonen behar eta gaitasunetara egokitzea ere.

 

Zeinu hizkuntza zerbitzua herritarren eskura

Aurten berritu du udalak hitzarmena Eskuaire elkartearekin, Zeinu Hizkuntza Interpretazio Zerbitzua indartzeko. Herritarrek zerbitzua eskuratu dezakete ekintza publiko jakinetan, udaletxean izapideak egiterakoan, sailekin harremanetan jartzerakoan edo antolatzen diren jardueretan. Gaur argitaratu diren bideoak pausu bat gehiago dira udal zerbitzuen inguruko informazioa herritar guztientzat irisgarria izan dadin.

194 tolosarrek dute funtzio-aniztasuna entzumenari dagokionez, Gipuzkoako Foru Aldundiak 2019an egindako desgaitasun balorazioen datuen arabera. Zeinu Hizkuntza Interpretazio zerbitzuaren zabalkundearekin eta zerbitzuen informazioa zeinu hizkuntzan eskainita, herritarren aukera eta eskubide berdintasuna bermatu nahi da.


 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.