“Jan dezagun” musikala igandean Leidorren

Tolosako Udala
2019/11/05 | Kultura, Gazteria, Jaiak

  • Irungo, Amasa-Villabonako, Andoaingo eta Ordiziako abesbatzek eta Pasaiako antzerki eskolak taularatuko dute ikuskizuna.

 

Antzerkiak protagonismo berezia izango du asteburu honetan Tolosan: musikal bat eta bi antzerkiz gozatu ahal izango baita. “Jan dezagun” da musikalaren izenburua eta honako taldeek parte hartzen dute: Irungo Belaskoenea Eskolako Abesbatza, Amasa-Villabonako Eresargi Txiki Abesbatza, Andoaingo Udal Musika Eskola Abesbatza, Ordiziako Oroith Txiki Abesbatza eta Badia Pasaiako Antzerki Eskola. Katrin Iturralde da ikuskizunaren musika zuzendaria, eta Izaro Maguregi eszena zuzendaria. Emanaldia Leidorren izango da, igandean, 12:30ean.

Horrez gain, “Erradikalak ginen”, antzezlana ere ikusi ahalko da. Ane Labaka bertsolaria eta Beatriz Egizabal antzerkilaria dira antzezlaneko aktoreak. Ostiralean da emanaldia, 20:30ean, Topic-en.

Zikloia 2019 formatu txikiko antzerki zikloaren barruan, berriz, Bea Larrañagaren “Hemendik Parisera” antzezlana ikusi ahalko da larunbatean, 17:30ean, Amarozko auzo-etxean.

Agenda guztia ikusteko: agenda.tolosa.eus/eu

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.