2020ko Udalekuak eta Gazte Oporraldiak kanpainetan izena emateko epea apirilaren 17ra luzatu da

Hitzordua
Informazio gehiago

Tolosako Udala
2020/04/02 | Kultura, Festak eta Gazteria
  • Covid-19ak ekarri duen isolamendu egoeraren ondorioz, bi kanpainetan izena emateko epea luzatu egin du Gipuzkoako Foru Aldundiak.
  • Izen-ematea aurrez aurre egiteko zerbitzurik ez da eskainiko aurten udal-bulegoetan eta Gazteguneetan, eta online egin beharko da.

 

Gipuzkoako Foru Aldundiak urtero antolatzen dituen Udalekuak eta Gazte Oporraldiak kanpainetarako izen emate epea apirilaren 17ra arte luzatu da. Covid-19ak ekarri duen isolamendu egoeraren ondorioz, izena emateko modua ere aldatu egingo da aurten, eta online egin beharko da Aldundiko webgunea erabiliz. Izen emate prozesuan sor daitezkeen arazoei arreta emateko 943 44 59 80 telefonoa ahalbidetu du Aldundiak.

Aurten, Gipuzkoako Foru Aldundiak 1.150 plaza eskainiko ditu Udalekuak kanpainan, iaz baino 80 gehiago. Izen-ematea bakarka edo taldeka egin daiteke, eta taldeka, gehienez ere, 3 pertsonako taldeak izan daitezke. Uztailaren 1a eta 29a bitartean izango dira udalekuak, biak barne.

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.