Aldaketak Gazte Topaguneak Aste Santurako antolatutako ekintzetan

• Tolosak 400etik gorako intzidentzia-tasa gainditu duenez, bertan behera geratuko da ostiralean aurreikusita zegoen Txuri Urdinera irteera.

Tolosako Gazte Topaguneak “Udaberri Gaztea” programazioaren baitan antolatu ditu ekintzak Aste Santurako. Aste honetan Tolosak 400etik gorako intzidentzia-tasa gainditu duenez, herritik kanpo diren ekintzak bertan behera geratuko dira.

Ostiralean izotzetan patinatzeko Txuri Urdinera, Donostiara, irteera egitekoak ziren gazteak Topaguneko hezitzaileekin batera, baina, osasun krisiak eraginda, ezingo da ekintza hau aurrera eraman. Horren ordez, iganderako aurreikusita zegoen 3x3 saskibaloi txapelketa egingo da ostiralean, lehiaketarako eguraldi atseginagoa egingo duelako. Aldaketa hau hezitzaileek parte hartzaileekin adostu dute. Igandean, berriz, Topagunea zabalik egongo da gerturatu nahi dutenentzat.

Hori horrela, honakoa da datozen egunetan Gazte Topaguneak antolatutako ekintzen programazioa:

• Bihar, osteguna, apirilak 8 – Tie dye kamisetak egiteko tailerra. 16:00-20:00.
• Ostirala, apirilak 9 – 3x3 saskibaloi txapelketa. 16:00-20:00.
• Larunbata, apirilak 10 – Masterchef lehiaketa. 16:30-20:30.
• Igandea, apirilak 11 – Topagunea zabalik. 16:30 – 20:30.