Liburutegiko ordutegia eta zerbitzuak zabaldu egingo dira gaurtik aurrera

• Egunero egongo da irekita goizez, eta asteazkenetan arratsaldetan ere bai, 16:00etatik 19:00etara bitartean.

• Helduentzako irakurgela, wifia, mailegu zerbitzua, informazio zerbitzua, txartela egiteko zerbitzua eta katalogoa eta eliburutegia erabiltzeko prestakuntza emango dira.

• Haurrentzako eta helduentzako mailegu zerbitzua helduen liburutegian eskainiko da, Aranburu Jauregiko sarrerako bulegoan.

Liburutegiko zerbitzuak zabaldu egingo dira gaurtik aurrera, eta goizez irekita egoteaz gain (egunero 10:00etatik 13:30era) asteazken arratsaldetan ere irekita egongo da, 16:00etatik 19:00etara.

Liburuak maileguan hartzeko, informazioa eskatzeko, liburutegiko txartela egiteko zein katalogoa edo eliburutegia zerbitzuak nola erabili ikasteko prestakuntza saioak emango dira. Helduentzako irakurgela irekita egongo da, eta wifia ere martxan egongo da. Irakurgela zerbitzua erabili nahi dutenek, liburuzainei eskatu beharko diete liburutegian bertan irakurri nahi duten liburua. Egunkaririk ezingo da kontsultatu eta ordenagailurik ezingo da erabili.

Haur eta helduen mailegu zerbitzua batera emango dira, helduen liburutegian, Aranburu jauregiko sarrerako bulegoan. Liburuak maileguan hartu ahal izateko aurrez egin beharko da eskaera, katalogoaren bidez edo liburutegira deituta (943 69 74 62). Bestela bulegoko bildumatik aukeratu beharko da.

Liburutegira sartu ahal izateko derrigorrezkoa izango da maskarila janztea (6 urtetik gorakoek), eskuak garbitu beharko dira gelarekin, eta markatutako ibilbidea errespetatu beharko da. Horrez gain, erabiltzaile bakoitzak bere poltsa eraman beharko du maileguak gordetzeko, eta liburutegiko txartela egin nahi duenak bere boligrafoa eraman beharko du.

Liburutegira joaten diren pertsonak banaka sartuko dira, menpekotasunen bat edo 14 urtetik beherakoak izan ezik. Liburutegira itzulitako liburu guztiek astebeteko berrogeialdian gordeko dira berriz ere eskuragarri jarri aurretik.