Tolosako auzoak 2020ko egutegian irudikatzeko argazkiak aurkezteko epea zabalik uztailaren 15a bitarte

• Tolosako Udalaren web orriko (www.tolosa.eus) Tolosanklisk atalaren bidez hartu behar da parte.
• Epaimahai batek 40 argazki aukeratuko ditu aurkeztutako guztien artean, eta horietatik irailaren 7tik aurrera herritarren bozka gehien jasotakoa izango da egutegiko azaleko argazki nagusia. Bozka ematen dutenen artean 'tablet' bat zozketatuko da.

2020ko Tolosako Egutegia osatuko duten argazkiak aukeratzeko lehiaketa zabaldu du Udalak. Aurtengo gaia 'Tolosako auzoak' da eta argazkiak bidaltzeko aukera uztailaren 15a artekoa izango da. Tolosako Udalaren web orriko (www.tolosa.eus) Tolosanklisk atalaren bidez hartu behar da parte.

Lehiaketa proposamenak aurkeztu nahi dituzten guztiei irekita dago, eta herritarrek argazkirik gustukoenak bozkatzeko aukera izango dute. Epaimahai batek 40 argazki aukeratuko ditu aurkeztutako guztien artean, eta horietatik herritarren bozka gehien jasotakoa izango da egutegiko azaleko argazki nagusia. Ostean, epaimahaiak aukeratuko ditu hilabete bakoitzeko argazki bana, hau da, guztira 12. Bozka ematen dutenen artean 'tablet' bat zozketatuko da.

Hainbat sari jokoan parte-hartzaileentzat

• Irabazlea: argazkia egutegiaren azalean agertuko da + 600 €

• 12 finalista: argazkia egutegiaren hilabeteetako batean agertuko da + 200 €

Oinarriak

1. Lehiaketaren gaia: "Tolosako auzoak"

2. Argazkien formatua: etzanak/horizontalak 2 Mb eta 10 Mb bitarteko pisukoak.

3. Parte-hartzaile bakoitzak aurkez dezakeen argazki-kopurua: 1 eta 5 bitartean.

4. Lehiaketaren faseak:

   • Argazkiak aurkezteko epea: uztailaren 15a arte.

   • Epaimahai batek hautaturiko 40 argazki finalisten aurkezpena: irailaren 6an.

   • Ikusleen bozketa: irailaren 7tik 21era.

   • Argazki irabazleen aurkezpena: irailak 26.

   • Egutegia banatzea: azaroaren 6, 7 eta 8an.

5. Igo zure argazkia/k www.tolosa.eus web orriko Tolosanklisk atalaren bidez.

Lehiaketari buruzko xehetasun guztiak www.tolosa.eus -eko Tolosanklisk atalean daude. Informazioa gehigarria behar izanez gero, kultura@tolosa.eus -era idatzi, 943 67 03 83ra deitu edota Antonio Maria Labaien Kultur Etxera jo daiteke (Trianguloa plaza 1 – 20400 Tolosa).