Tolosankliskek baditu irabazleak

• 1.463 boto jaso dira guztira datorren urteko egutegiko azaleko argazkia aukeratzeko, eta epaimahaiak ere aukeratu ditu hilabete bakoitzerako argazkiak.

Tolosanklisk lehiaketak baditu datorren urteko egutegia osatuko duten argazkien irabazleak. Azaleko argazkia herritarrek aukeratu dute euren botoekin, eta, epaile-taldeak hautatu ditu urteko hamabi hilabeteetako argazkiak. Guztira 1.463 boto eman dituzte herritarrek. “Eguzkia izkutatzen ari denean, lainoak gorritzen direnean, zeruaren kolorea aldatzen ari denean eta kaleko argiak pizten hasten direnean” izeneko argazkia izango da datorren urteko egutegiaren azalean agertuko dena. Irabazleak 600 euroko saria jasoko du eta hilabete bakoitzean agertuko den argazkien egile bakoitzak 200 euro.

Urteko hilabeteetako argazkien aukeraketa egiterakoan, epaile-taldeak aurkeztutako argazkien egokitasuna eta kalitatea baloratu ditu. Hauek dira hautatu dituzten irudiak hilabete bakoitzerako:

Bestalde, aipatu, argazkietako bat lehiaketatik kanpo geratu dela, irregulartasun nabarmenengatik. “Regando” izeneko argazkiak 153 boto jaso zituen une berean, guztiak ordenagailu berdinetik bidalita, botoa emateko epea amaitu baino hamar minutu lehenago. Irregulartasun honek arauz kanpoko jokabidea adierazten du, eta ondorioz, lehiaketatik kanpo geratu da.