Udal musika eskolan bete gabe geratu diren plazetan izena emateko aukera egongo da iraila amaiera arte

• Lau urtetik aurrera eta helduetaraino musika instrumentu bat jotzen eta taldean musika egiten ikasi daiteke, eta profesionalki musika ikasteko prestakuntza ere egin daiteke bertan, tartean kontserbatorioko eta goi mailako musika ikastegietarako sarrera-probak.

Izen emate prozesu arruntaren ondoren bete gabe geratu diren plazetan izena emateko aukera egongo da iraila amaiera arte Eduardo Mokoroa Udal Musika Eskolan. Lau urtetik aurrera, helduetaraino instrumentu bat jotzen eta taldean musika egiten ikasi daiteke udal musika eskolan, eta profesionalki musika ikasteko prestakuntza ere egin daiteke bertan, tartean kontserbatoriorako eta goi mailako musika ikastegietarako sarrera-probak.

Bete gabe geratu diren plazei buruzko informazio gehiagorako, izena emateko zein musika eskolari buruzko informazio gehiagorako musika@tolosa.eus helbidera idatzi daiteke, edo 943 65 15 93 telefono zenbakira deitu 10:00etatik 13:00etara.