Ezohiko giroa azokan

Ostiralean ospatu zen aste honetako azoka eguna larunbatean jai eguna zelako eta horrelakoetan, pertsona gutxiago hurbiltzen da azokara; produktuen eskaintza, aldiz, izugarria izan zuen.

Mikologiaren atarian, onddo, ziza hori, tronpeta eta bestelako perretxiko motak ugaritu ziren azokako mahaietan, kalitate onekoak, prezio onean.

Eguraldi ona dela eta, oraindik ere udako zenbait barazki erosteko aukera dugu: tomateak, lekak, kalabazinak…, baina horiek poliki-poliki lekua egin behar diete udazkeneko zein neguko barazkiei: porru, kalabaza, babarrunei, alegia.

Fruta eskaintza ere oso zabala izan zen: sagarrak, udareak, intxaurrak, gaztainak, pikuak…

Ea aste honetako euri eta freskotasunak aldaketa dakarren datorren larunbateko azokara.