Otsailaren 13an, AKTIBATU 2020 Natura turismoa eta Iraunkortasunaren VIII. Jardunaldia Tolosan

Tolosako Udala
2020/02/06 | Merkataritza, Feriak eta Turismoa

  • Jardunaldiak turismo sektoreko profesionalak, ikertzaileak eta ikasleak biltzen ditu, turismo-estrategiak iraunkortasun klabeetan landu eta eztabaidatzeko.

  • Tolosako alkateak nabarmendu duenez: “horrelako jardunaldi bat Tolosan ospatzeak garrantzia berezia du guretzat, turismo jasangarriaren aldeko apustuan, sektoreko profesionalen esperientzietatik ikasteko aukera eskaintzen digulako”.

 

Datorren ostegunean, otsailaren 13an, AKTIBATU 2020 Natura turismoa eta Iraunkortasunaren jardunaldiaren VIII. edizioa ospatuko da. Sektoreko profesionalak, sektore pribatuko zein publikoko bestelako profesionalak edota turismoa eta iraunkortasunarekin zerikusia duten ikertzaileak eta ikasleak biltzen dituen ekimena eta eztabaidarako gunea da AKTIBATU.

Tolosako Topic zentroan ospatuko da jardunaldia, BiziBiziki natura turismoa eta iraunkortasuneko aholkularitza enpresak antolatuta, Tolosako Udalaren, Foru Aldundiaren eta Eusko Jaurlaritzaren babesarekin.

Turismoa lehen mailako sektore ekonomikoa den garai honetan, ezinbestekoa da turismo-estrategiak iraunkortasun klabeetan lantzea, eta helburu hori du jardunaldiak, azken finean, gizarte guztiarentzat onuragarria izan daitekeen turismoaren aldeko apustuan indarra egiteko.

Olatz Peon Tolosako alkateak nabarmendu duenez, “Tolosako Udalak apustu irmoa egiten du turismo jasangarriaren alde eta norantza horretan lan egin dugu eta lanean jarraituko dugu datozen urteetan ere; eta Aktibatu bezalako jardunaldia Tolosan ospatzeak garrantzia berezia du guretzat, bertako zein atzerriko hizlarien esperientzia, ezagutzak partekatu eta eredu ezberdinetatik ikasteko aukera eskaintzen digulako eta gainera, elkarlan publiko-pribatua sustatzeko topagunea ere badelako”.

Goiz zein arratsaldean, protagonista nagusiak hitzaldiak izango dira; Euskal Herriko zein nazioarteko hizlariak izango dira, beraien esperientzia eta ezagutzak elkarbanatu eta gurera estrapolatu daitezkeen gaiak jorratuko dituztenak.Arratsaldean, hausnarketarako guneak ere eskainiko dira, horrela bazkal ostean mugikortasuna, turismo birsortzailea edota bisitarien fluxuen inguruko guneak bultzatuko dira.

Informazio gehiagorako edota izena emateko: www.aktibatu.eus.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

Ostegunetan 17:00etatik 19:00etara etortzeko, EZINBESTEKOA da hitzordua izatea.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.