Plastikoen kontsumoa murrizte aldera, ordainpekoak izango dira azokako poltsa degradagarri berriak

Tolosako Udala
2018/06/14 | Merkataritza, Feriak eta Turismoa
  • 0,05 euroko prezioa izango dute eta diseinua berritua.
  • Udalak, Garaikoa Baserritarren Elkarteak eta Tolomendi Tolosaldeko Landa Garapen Elkarteak bultzatutako ekimena.
  • Nerea Letamendia, Merkataritza, Feriak eta Turismo zinegotzia: “neurri honen bitartez, jada azokan aurki daitezkeen telazko poltsekin batera, plastikozko poltsen kontsumoa murriztu nahi da: jasangarritasunaren alde lan egin, berrerabilpena eta birziklapena sustatuz, eta gure ingurunea babestuz”.

Poltsa berriak egin dira Tolosako Azokarako, orain artekoak amaitu ostean. Aurrekoen antzera, oraingoak ere degradagarriak dira eta bi tamainatan daude eskuragarri: ertainak eta handiak. Diseinua ere berritu da: poltsa zuria da, non hizki urdinez 'Garaikoa. Bertakoa. Gurea!' irakur daitekeen.

Horrez gainera, plastikozko poltsen erabilera gutxitzea helburu duen 293/2018 errege-dekretuak hala ezarrita, poltsak kobratu behar zaizkie bezeroei. Hori horrela, 0,05 euroko prezioa izango du Tolosako Azokako poltsa bakoitzak.

Udaleko Merkataritza, Feriak eta Turismo saileko zinegotzi den Nerea Letamendiak adierazi duenez, neurri honen bitartez, jada azokan aurki daitezkeen telazko poltsekin batera, plastikozko poltsen kontsumoa “murriztu” nahi da: “jasangarritasunaren alde lan egin, berrerabilpena eta birziklapena sustatuz, eta gure ingurunea babestuz”.

Udalak, Garaikoa Baserritarren Elkarteak eta Tolomendi Tolosaldeko Landa Garapen Elkarteak garatua elkarlanean.

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.