Tolosako Babarruna erein da

Tolosako Udala
2019/06/07 | Merkataritza, Feriak eta Turismoa
  • 'Erein gurea dena' lelopean gauzatu da ekitaldia.
  • Bertan izan dira Herrikide eta Samaniego ikastetxeetako ikasleak, Tolosako Babarrun Kofradia, Tolosako Babarrunaren Ekoizleen elkartea, Gure Kaiola elkartea, Tolosako sukaldariak, Tolomendi elkartea eta udal ordezkariak.

2019ko Tolosako Babarruna erein dute babarrunaren bueltako eragile zein ikasleek Zerkausian, helburu horretarako prestatutako lorontzietan: Herrikide eta Samaniego ikastetxeetako 40 ikasle inguru izan dira bertan, Tolosako Babarrun Kofradia, Tolosako Babarrunaren Ekoizleen elkartea, Gure Kaiola elkartea, Tolosako sukaldariak (Peio Doyharzabal eta Txemari Esteban), Tolosamendi Landa Garapen elkartea eta udal ordezkariekin batera. Zerkausia izan da kokaleku.

11:30etan gauzatu dute ereitea. Ondoren ikasle bakoitzari lorontzi bana oparituko zaio Tolosako Babarrunaren alearekin.

Aurretik ikasleek, laugarrenez, Udaleko teknikarien, Tolosako Babarrunaren Kofradiako kideen eta Tolosako Babarrunaren Ekoizleen Elkarteko Xabier Goikoetxea, Koldobike Artola eta Mari Karmen Iradiren eskutik, tailer ezberdinak gauzatu dituzte Kultur Etxean. Babarrunaren atzean dagoen lana eta baserritarren bizipenak ezagutzeko aukera izan dute, beste hainbat ekintza burutzeaz gainera.

Argazkiak: https://photos.app.goo.gl/3fcHUoSrXafKD7rD6

 

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.