Tolosaren etorkizuneko hirigintza-garapenak jarraitu behar dituen irizpideak eta jarraibideak eta, zehazki, etorkizunerako hirigintza-antolamendua zehazteko oinarriak.
Zerbitzuen karta deritzon dokumentuaren bidez, Udalak azaltzen dizkie herritarrei berez dagozkion zerbitzuak, herritar hauek zerbitzuak jasotzerakoan dituzten eskubideak eta zerbitzuak eskaintzerakoan hartzen dituen kalitate konpromezuak.
Udal departamentu honen ardura da, besteak beste, berdintasunarekiko Tolosako Udalaren konpromisoa sendotzea, herritarren jabetza eta partaidetza sustatzea, bereziki emakumeena, gaiarekiko sentsibilizazioa areagotzea, indarkeria sexista identifikatzeko, prebenitzeko eta desagerrarazteko lan egitea.
Enplegua suspertzeaz, merkataritza indartzeaz, feriak antolatzeaz, turismoari bultzada emateaz eta informazioa zabaltzeaz arduratzen dira departamentuok.
Udaletxeko langileen kudeaketa, lanpostu deialdiak eta kontratazioak burutzea,etab. Informatika gaiak, beti ere, Udaletxe barneko funtzionameduari zuzenduta.
Gizarte Zerbitzuak prestazio eta zerbitzu multzo bat dira eta erantzuten diete pertsonek dituzten behar eta eskeei honako gai hauetan: norbera modu autonomoan moldatzeko edota familian, komunitatean eta, oro har, gizartean integratzeko.
Departamentu honen ardura da administrazio egintzaren fede eta berme juridikoa ematea; horrekin batera, izapide edo tramiteak herritarrei erraztea eta beraien inguruko informazioa ematea.
Departamentuaren egitekoak dira, ingurumenaren arloko udal programak, ekimenak eta jardunak planifikatzea, diseinatzea eta egitea, Udalak egin beharreko obren exekuzioa, hainbat zerbitzuren kudeaketa (kaleko argiak, hondakinen bilketa, kale garbiketa, etab).
Departamentuaren egitekoak dira, kultura, gazteria eta jaien arloko udal programak, ekimenak eta jardunak planifikatzea, diseinatzea eta egitea; kultura sustatzea; kultur azpiegiturak kudeatzea; herriko kultura, gazteria eta jaietako eragaileen jarduerak sustatzea.
Ogasun departamentuari dagokio udalaren baliabide ekonomikoak kudeatzea, diru sarrerak eta gastuak, kobrantzak eta ordainketak, udal aurrekontuaren kudeaketa, etab.
Gaur goizean aurkeztu dute Madrilen urteurrenaren harira TOPIC promozionatzeko eta ezagutzera emateko sortutako bideoa eta aurkezpen ekitaldian izan dira Olatz Peon, Tolosako alkatea, Idoya Otegi, TOPICeko zuzendaria eta Julian Lacunza Tolosako Ekinbide Etxeko lehendakaria.
Udalak halaber, herriko mapa berriak eraman ditu azokara, Tolosa ezagutzera emateko promozio euskarri berri modura
Beste urte batez Tolosak FITUR Turismoaren Nazioarteko Azokan parte hartu du Euskadiko stand-aren baitan. Aurten gainera, moleskinarekin batera herriko mapa berriak eraman dituzte azokara promozio euskarri berri gisa.
Azokak atzo zabaldu zituen ateak, baina Tolosako ordezkariak gaur izan dira Madrileko IFEMA feria-gunean TOPIC museoaren urteurrenaren harira sortuta bideoaren aurkezpen ekitaldian.
Beraz, aurten TOPIC izan da protagonista nagusia, Tolosako kultur eskaintza nazioartean ezagutzera emateko helburuarekin. Aurkezpen ekitaldian Tolosako alkatea, Olatz Peon Ormazabal, Idoya Otegui, TOPIC-eko zuzendaria eta Julian Lacunza, CIT-eko lehendakaria izan dira.
Tolosak FITUR bezalako turismo azoka batean halako presentzia izatea garrantzitsua dela azpimarratu du alkateak, Tolosarentzat erakusleiho bat delako eta turismoak Tolosako hiri ekonomia indartzeko aukera eskaintzen duelako. “Urteak daramatzagu turismo jasangarria sustatzen, garapen ekonomikoaren haritik, betiere gure nortasunari eta izaerari eutsiz eta herri modura eskaintzeko dugun guztia indartuz: gastronomia, kultura, ingurune naturala, azokak edota ondarea” azaldu du alkateak. “Aurten modu berezian, kulturan jarri dugu azpimarra TOPIC zentroaren urteurrena dela eta; Tolosa oso herri bizia da, ekintzen faktoria bat eta TOPIC-ek ekarpen izugarria egiten dio herriko kultur eskaintzari, bertako zein bisitariei dagokienean, eta asko izan dira azken urteotan gurera gerturatu direnak Topic ezagutzearren” gaineratu du alkateak.
Idoya Otegik azpimarratu du TOPIC museo bat baino askoz ere gehiago dela, magiaz eta ilusioz beteriko gunea alegia, non tailer eta ikuskizun ezberdinak ere eskaintzen diren. Tokiko proiektu bat zena, 10 urteren bueltan, nazioartean erreferentziazko zentroa bilakatu dela aipatu du, egindako lanari esker eta baita abentura horretan bidelagun izan diren eta babes eta laguntza eskaini duten erakundeei esker ere.
Amaitzeko Julian Lacunzak adierazi du Topic atrakzio-puntu garrantzitsua bilakatu dela, bertako zein bisitarientzat. Txontxongiloen eskutik, kokapen berezia duen zentroak bizia hartu duela eta haur zein helduen gozarazten dietela azaldu du. “Europa mailan ez dago horrelakorik, eta horregatik da hain berezi eta erreferentziazkoa Topic eta baita Tolosan ospatzen den TITIRIJAI txotxongiloen jaialdia ere” aipatu du. Tolosa ezagutzeko Topic aitzakia ezin hobea dela esan du eta Tolosak eskaintza aberatsa duela ere azpimarratu du kulturari, ondareari, eta nola ez, gastronomiari lotuta.