Udaberri giroa pasa den larunbatean azokan

Tolosako Udala
2019/03/11 | Merkataritza, Feriak eta Turismoa

Giro lasaia izan zen asteburu honetan azokan. Berrikuntzak iristen ari dira, eta eguraldia lagun dugula, aldaketa asko somatzen dira. Udaberri giroa dago, kaleetan eta postuetan, eta zerrenda badoa aldatzen. Bertako ilarrak izan ziren postu batean, eta hemendik gutxira, ugaritu egingo dira. Babak ere, nahiz eta oraindik hasi gabe egon, ez dute denbora asko beharko agertzeko.

Bertako gazta berria ugaritu egin da mahaietan, eta Berdura plazako baratzerako landare postuetan bizitasuna eta berrikuntzak izan ziren. Tomate landareak, marrubi landareak, kalabaza landareak edota zainzuri landareak besteak beste, ondo saldu ziren.

Aipatzekoa Atari kaleko baso espezieen saltzaileen eskaintza. Udaberria gainean dugula, aranak ez zituzten ekarri, mugitzen hasita baitaude, eta datozen asteetan ere beste espezieak ere hasiko direla uste dute.

Prezioak:

Fitxategiak: 
Fitxategi Prezioak 09-03-2019.xlsx

Cita previa EU

Tolosako Udalak herritarrei arreta emateko zerbitzua eta erregistroa (UDATE)

Erosoago aritzeko eta itxaron beharrik ez izateko, aldez aurretik hitzordua hartzea gomendatzen dizugu. Horretarako, bete inprimaki hau, eta zuk emandako telefono-zenbakira deituko dizugu 24 ordu igaro baino lehen (egun baliodunean), eta zure kontsultari erantzun, edo hitzorduaren eguna eta ordua baieztatuko dizkizugu.

Ostegunetan 17:00etatik 19:00etara etortzeko, EZINBESTEKOA da hitzordua izatea.

ESKATU HITZORDUA

Pribatutasun-politika

Inprimaki honetako datuak jarduera hau egoki kudeatzeko jasoko ditugu. Tolosako Udalaren Informazio Sisteman sartuko ditugu eta datuak babestearen inguruko legedian aurreikusitako kasuetan bakarrik lagako dizkiegu hirugarrenei.

Datuetara sartzeko, datuak zuzentzeko, ezabatzeko, mugatzeko eta horien aurka egiteko eskubideak balia ditzakezu Udateren edo Egoitza Elektronikoaren bidez. Nahi izanez gero, erreklamazio bat ere aurkez dezakezu Tolosako Udalaren Datuak Babesteko ordezkariaren aurrean, dbdelegatua@tolosa.eus helbidera idatzita, edo Datuak Babesteko Euskal Agintaritzaren aurrean (www.avpd.euskadi.eus.). Informazio gehiago, hemen.

Hala eta guztiz ere, kontutan izan izapide gehienak Egoitza Elektronikotik eroso egin ditzakezula, hemen: Egoitza Elektronikoa. Horretarako, ziurtagiri digitala (hemen informazio gehiago) behar da.

Udal-izapideak egiteko makinak ere erabil ditzakezu. Udaletxeko atarian dago bat, eta Usabal kiroldegian bestea.