Gudari kalea itxita egongo da trafikoarentzat otsailaren 4an eta 5ean

• Gudari kalerako sarrera Nafarroa eta Samaniego kaleetatik egokituko da. Zumalakarregi pasealekua ere moztuta egongo da ibai bazterreko zatian, eta bertakoek eta garajeetara doazenek bakarrik izango dute sarbidea.

Zezen plazan jarrita dagoen garabi dorrea desmuntatzeko lanak direla-eta, Gudari kalea itxita egongo da trafikoarentzat otsailaren 4an eta 5ean. Ondorioz, Gudari kalerako sarrera Nafarroa eta Samaniego kaleetatik egingo da; horretarako, Samaniego kalean kontrako noranzkoan zirkulatuko da bi egun horietan. Zumalakarregi pasealekua ere, ibai bazterreko zatia, itxita egongo da trafikoarentzat, eta bertakoek zein garajeetara doazenek bakarrik izango dute sarbidea. Zati horretan trafikoa bi noranzkokoa izango da.