Santu Guztien egunean Hiribusaren zerbitzu berezia egongo da hilerrira

• Ostiralean 45 minutuz behin irtengo da autobus bat musika eskola paretik, eta beste bat hilerritik.

Ostiralean, azaroak 1, ospatuko den Santu Guztien egunerako Hiribus autobus zerbitzu berezia eskainiko du Tolosako Udalak. Autobusak musika eskola paretik abiatuko dira, 45 minutuko tartearekin, hilerrira joateko. Sei geldialdi egingo ditu: San Frantzisko eliza parean, geltokian, Berazubin, Iurramendiko biribilgunean, kiroldegi parean eta Amarozen.

Hilerritik ere 45 minutuz behin aterako da autobusa musika eskola pareraino. Bidean, honako geldialdiak egingo ditu: Iparragirren, Bizkaia kalean, J.A Irazustan eta Trinketen.