Ibilbide seinaleztatuak

Gure natura- eta kultura-ondare aberatsa ezagutzeko erarik hoberenetarikoa da mendi-ibilbideak egitea, guztion eskura dagoen kirol ez-lehiakor honetaz baliatzea. Ibilbide hauek zailtasun-maila desberdinetakoak dira eta ederki seinaleztaturik daude. Ibilbideak aukera ditzakegu daukagun denboraren arabera, eta ekipoak ez du zertan garestia izan: oinetako onak, motxila, mapa eta iparrorratza, eta beste ezer gutxi.

Ibilbideak aukeratzerakoan, ezinbesteko baldintzatzat hartu da ondare-interesa izatea, zentzu zabalean: paisaia, etnografia, landa-arkitektura, historia, elezaharrak eta, zergatik ez, inguruneko jendearen bizipenak.

ALDABA

http://www.tolosaldea.eus/es/naturalmente/senderismo/rutas-recorridos-medios/entorno-intxurre

BEDAIO

http://www.tolosaldea.eus/es/naturalmente/senderismo/rutas-recorridos-medios/recorrido

URKIZU

http://www.tolosaldea.eus/es/naturalmente/senderismo/rutas-recorridos-medios/recorrido-por-urkizu

SANTA LUTZIA – UZTURRE

Uzturrera igotzeko bide erabiliena Izaskungo bidea da, baina badira beste bide batzuk, ikuspegi zoragarria eskaintzeaz gain, bitxikeria interesagarriak ere gordetzen dituztenak,  Santa Lutziatik Uzturrera doan bideak, esaterako.

Uzturrera igotzeko Santa Lutziatik irteten bagara, Miserikordia Zaharreko lursailetatik pasako gara. Gaur egun lursail honen jabegoa publikoa da eta Tolosako Udalak, Naturtzaindia elkartearekin batera, hainbat esku-hartze egin ditu, sistema naturala berreskuratzeko eta balioan jartzeko. Esku-hartze horien barruan, 5 panel eta mahai panoramiko bat jarri dira, eremu honetan aurkitu ditzakegun altxor guztiak herritarren esku jartzeko.

Kontuan hartu behar dugu ibilbide honetan Miserikordia Zaharreko aztarnak aurkituko ditugula, eraikin horrek gordeta duen historiaren erakusgarri. Tolosako Dorrea edo Telegrafo Dorrea ere ezagutu ahal izango dugu, eta bere funtzioa zein zen zehazki jakin. Bestalde, ibilbide honetan Uzturreko mendilerroa eta Tolosaren beraren jatorri geologikoa ezagutzeko begiraleku aproposak daude, eta hori dela eta, ibilbidearen puntu batean geologiari buruzko panel bat jarri da.

EranskinaTamaina
PDF icon Santa Lutzia-Uzturre mendi ibilaldia848.27 KB