6. Txinako palmondoa

Entzun Txinako palmondoa

Palmondoa hitzak ez al dizu udako giroa inspiratzen…tropikoko itsasertza urdin argiko hondartza txuriak? Ba lurra hartu…. hemen duzun espezie hau, Txinako erdialde eta ekialdean du jatorria eta han, 2400 metrotan bizitzera hel daiteke, elurra eta hotzetara hobekien adaptatzen den palmondoetako bat da! Hemen, ondo egokitu da, eta mantentze lan gutxi behar du. Elosegin, espontaneoki hainbat txokotan atera dela ohartuko zara aurrerago kobazulo aldean ikusiko duzun bezala. Behatu zurtoina, alboetara ateratzen den adarrik ez duzu ikusiko. Palmondoak goitik, puntatik eta barrutik gorantz hazten dira soilik, ez dute benetako enborra sortzen. Tente mantentzeko balio dien egitura, Estipitea izenez ezaguna, eroritako hosto zaharren-zorroak eta barruko hodiek osatzen dute. Ez ditu benetako enborretan ikusten ditugun eraztunak sortzen, belar handi bat izango balitz bezala, zabalera berdina izango du bizitza osoan.  

Tarte batean isilik egonez gero, baliteke katagorriren bat hurbiltzen ikustea. Maiz ibiltzen dira azala estaltzen duten  ileen artean materiala jasotzen.